દક્ષિણ કોરિયાની રાજધાની સિયોલના ઇટાવનમાં હેલોવીનની ઉજવણી દરમિયાન નાસભાગમાં 151 લોકોના મોત થયા છે. જ્યારે 82 લોકો ગંભીર રીતે ઘાયલ થયા છે. આ ભયાનક દુર્ઘટના બાદ સૌ કોઈ ચોંકી ગયા છે. દરમિયાન, એ પણ પુષ્ટિ કરવામાં આવી છે કે પોપ ગાયક અને અભિનેતા લી જીહાન નું પણ આ સમયગાળા દરમિયાન મૃત્યુ થયું છે. રવિવાર, 30 ઓક્ટોબરના રોજ, લી જીહાનની એજન્સી 935 એન્ટરટેનમેંટ એ દુઃખદ સમાચાર સ્વીકાર્યા અને સ્વીકાર્યું કે “લી જીહાનનું મૃત્યુ 29 ઓક્ટોબરના રોજ ઇટાવનમાં એક અકસ્માતને કારણે થયું હતું”, aceshowbiz.comએ અહેવાલ આપ્યો હતો.
વધુ માહિતી આપતા, એજન્સીના પ્રતિનિધિએ કહ્યું કે ‘અમને તેની અપેક્ષા નહોતી પરંતુ તે સાચું છે. પોપ સિંગર અને એક્ટર લી જીહાન હવે આપણી વચ્ચે નથી. લી જીહાનના મૃત્યુ બાદ તેમના પરિવારે મીડિયાને પ્રાઈવસીનું સન્માન કરવા વિનંતી કરી છે. ભગવાન તેની આત્માને શાંતિ આપે.’ લી જીહાનના મૃત્યુની પુષ્ટિ કરનાર કિમ ડોહ્યુન પ્રથમ હતા. તેણે પોપ સિંગર અને એક્ટર લી જીહાનને સોશિયલ મીડિયા પર તેમની એક તસવીર પોસ્ટ કરીને શ્રદ્ધાંજલિ આપી હતી.
લી જીહાને 2017 માં Mnetની ‘પ્રોડ્યુસ 101’ સીઝન 2 માં ભાગ લઈને તેની કારકિર્દીની શરૂઆત કરી હતી. આ પછી, લી જીહાન 2019 માં રીલિઝ થયેલા વેબ ડ્રામા ‘ટુડે વોઝ અનધર નામ હ્યુન ડે’માં અભિનેતા તરીકે દેખાયો. આપને જણાવી દઈએ કે, મ્યોંગજી હોસ્પિટલના હોલમાં લી જીહાનનું શબ અંતિમ દર્શન માટે રાખવામાં આવ્યું છે. તેમજ તેમના અંતિમ સંસ્કાર 1 નવેમ્બરના રોજ કરવામાં આવશે.
આ પણ વાંચો:મોરબી પુલ દુર્ઘટનામાં મચ્છુની જળકુંભી રાહતકાર્યમાં અવરોધરૂપ
આ પણ વાંચો: કાલે ચૂંટણી જાહેર થશે? મોરબીમાં રાહત બચાવ આજે પૂર્ણ
આ પણ વાંચો: મોરબી બ્રિજ દુર્ઘટના મામલે સુપ્રીમ કોર્ટમાં દરખાસ્ત, PILમાં કરવામાં આવી હતી આ મોટી માંગ
