Ahmedabad News: અમદાવાદના બાવળા (Bavla)હાઈવે પર રજોડા કેનાલ નજીક વરસાદી પાણી ભરાયેલા વિસ્તારમાં મહત્વના દસ્તાવેજોનો જથ્થો મળી આવતાં ચકચાર મચી છે. સ્થળ પરથી આધારકાર્ડ અને બેંકની પાસબુક સહિતના દસ્તાવેજો મળી આવ્યા હોવાનું સામે આવ્યું છે. દસ્તાવેજોમાં લોકોની અંગત માહિતી હોવાને કારણે તેના દુરુપયોગની શક્યતાને લઈને ચિંતા વ્યક્ત કરવામાં આવી રહી છે. આ દસ્તાવેજો અહીં સુધી કેવી રીતે પહોંચ્યા અને કોણે ફેંક્યા તે અંગે હવે તપાસની માંગ ઉઠી છે.
Bavla હાઈવે પર આધારકાર્ડ-પાસબુક મળી આવ્યા
બાવળા હાઈવે પર રજોડા કેનાલ (Rajoda Canal)નજીક વરસાદી પાણી ભરાયેલા વિસ્તારમાં કેટલાક મહત્વના દસ્તાવેજો (Documents) જાહેરમાં પડેલા જોવા મળ્યા હતા. સ્થાનિકોના ધ્યાનમાં આ બાબત આવતાં સમગ્ર મામલો ચર્ચામાં આવ્યો હતો. સ્થળ પરથી આધારકાર્ડ અને બેંકની પાસબુક સહિતના દસ્તાવેજો મળી આવ્યા હોવાનું જાણવા મળ્યું છે. આ દસ્તાવેજો કયા લોકોના છે અને તેઓ અહીં કેવી રીતે પહોંચ્યા તે અંગે હજુ સ્પષ્ટતા થઈ નથી.
વરસાદી પાણી ભરાયેલા વિસ્તારમાં દસ્તાવેજો ફેંકાયાનો આક્ષેપ
જે સ્થળેથી દસ્તાવેજો મળી આવ્યા છે ત્યાં વરસાદી પાણી ભરાયેલું હોવાનું સ્થાનિકોએ જણાવ્યું છે. આવી જગ્યાએ લોકોના મહત્વના દસ્તાવેજો મળી આવતાં અનેક સવાલો ઊભા થયા છે. સ્થાનિકોના જણાવ્યા મુજબ દસ્તાવેજો કોઈ વ્યક્તિ દ્વારા અહીં લાવીને ફેંકવામાં આવ્યા છે કે પછી અન્ય કોઈ કારણસર અહીં પહોંચ્યા છે તે તપાસનો વિષય છે. ખાસ કરીને આધારકાર્ડ અને બેંક પાસબુક (Bank Passbook)જેવા દસ્તાવેજો સામાન્ય કાગળ નહીં પરંતુ મહત્વપૂર્ણ વ્યક્તિગત દસ્તાવેજો હોવાથી મામલાની ગંભીરતાથી તપાસ કરવાની જરૂરિયાત વ્યક્ત કરવામાં આવી છે.
અંગત માહિતીના દુરુપયોગની શક્યતાથી ચિંતા
આધારકાર્ડ (Aadhaar Card)અને બેંક પાસબુકમાં વ્યક્તિનું નામ, સરનામું, બેંક ખાતા સહિતની મહત્વપૂર્ણ માહિતી હોઈ શકે છે. આવા દસ્તાવેજો જાહેર સ્થળે મળી આવતાં તેના દુરુપયોગની શક્યતાને લઈને ચિંતા વધી છે. જો આ દસ્તાવેજો ઈરાદાપૂર્વક અહીં ફેંકવામાં આવ્યા હોય તો તેની પાછળનું કારણ શું હતું તે પણ તપાસવું જરૂરી છે. કોઈ વ્યક્તિના દસ્તાવેજોનો ઉપયોગ છેતરપિંડી અથવા અન્ય ગેરકાયદેસર પ્રવૃત્તિ માટે થયો છે કે નહીં તે અંગે પણ તપાસની માંગ કરવામાં આવી રહી છે.
પોલીસ-તંત્ર તપાસ કરે તેવી સ્થાનિકોની માંગ
મહત્વના દસ્તાવેજોનો જથ્થો મળી આવતાં સ્થાનિકોએ પોલીસ અને સંબંધિત તંત્રને સમગ્ર મામલે તપાસ કરવાની માગ કરી છે. દસ્તાવેજો અહીં સુધી કેવી રીતે પહોંચ્યા, કોણે ફેંક્યા અને આ દસ્તાવેજો કયા લોકોના છે તે શોધવા માટે તપાસ કરવામાં આવે તેવી માગ છે. સ્થાનિકોએ દસ્તાવેજોને સુરક્ષિત રીતે જપ્ત કરી સંબંધિત લોકોને પરત કરાવવા તથા જો કોઈ વ્યક્તિ જવાબદાર હોય તો તેની સામે કડક કાર્યવાહી કરવાની પણ માગ કરી છે. હાલ આ દસ્તાવેજો કયા સંજોગોમાં અહીં પહોંચ્યા તે અંગે સત્તાવાર તપાસ બાદ જ સમગ્ર હકીકત સ્પષ્ટ થઈ શકશે.
આ પણ વાંચો: બાળકોની દવાના નામે શંકાસ્પદ ધંધો? કપડવંજના દવાખાનામાં FDCAનો દરોડો, 160 બોટલો મળી
આ પણ વાંચો: કુડનકુલમ પરમાણુ પ્લાન્ટનો ડેટા હેક થયો? ડાર્ક વેબ પર ગુપ્ત દસ્તાવેજો લીક થયાનો દાવો
આ પણ વાંચો: અમદાવાદમાં IT વિભાગના દરોડામાં કરોડોના બિન હિસાબી દસ્તાવેજો મળી આવ્યા,સત્તાવાર યાદી જાહેર કરી
