ભાજપે તેના ઉમેદવારોની નવી યાદી જાહેર કરી દીધી છે. આ યાદીમાં કુલ 7 નામ સામેલ છે. જેમાં દિલ્હીના 4, પંજાબ, ઉત્તરપ્રદેશ અને મધ્યપ્રદેશના 1-1 ઉમેદવારના નામ સામેલ છે. ખૂબ જ અસમંજસ પછી ઇન્દોરથી શંકર લાલવાણીને ટિકિટ અપાઇ છે.
જાણો કોને અપાઇ ટિકિટ
દિલ્હી
ચાંદની ચોક – ડો હર્ષવર્ધન
ઉત્તર પૂર્વ દિલ્હી – મનોજ તિવારી
પશ્વિમ દિલ્હી – પ્રવેશ વર્મા
દક્ષિણ દિલ્હી – રમેશ બિધૂડી
ઇન્દોર – શંકર લાલવાણી
અમૃતસર – હરદીપ પુરી
ઘોસી – હરિનારાયણ રાજભર
અહીંયા જોવાલાયક બાબત એ છે કે દિલ્હીની ચાર બેઠકો પર બધા જ પ્રવર્તમાન સાંસદોને ટિકિટ અપાઇ છે. બીજી તરફ મધ્યપ્રદેશના ઇન્દોરમાં પણ લાંબા સમય સુધી ચાલેલી ગડમથલ બાદ શંકર લાલવાણીને ઉમેદવાર જાહેર કરાયા હતા. વર્ષ 1993માં વિધાનસભા ક્ષેત્ર-4 થી લાલવાણીને ભાજપના અધ્યક્ષનો કાર્યભાર સોંપાયો હતો. ત્યારબાદ તેને 1996માં જયરામપુર વોર્ડથી ટિકિટ મળી હતી. તેમાં તેમણે તેના ભાઇ અને કોંગ્રેસના ઉમેદવાર પ્રકાશ લાલવાણીને હરાવ્યા હતા.
