Chhattisgarh Korba Case: દિલ્હીના પ્રખ્યાત શ્રધ્ધા મર્ડર કેસના પડઘા હજુ શમ્યા ન હતા કે દેશમાં વધુ એક હૃદયદ્રાવક ઘટના સામે આવી છે. છત્તીસગઢમાં એક યુવકે તેની ગર્લફ્રેન્ડની ગોળી મારીને હત્યા કરી નાખી, પરંતુ ઘટનાના પુરાવા છુપાવવા માટે મૃતદેહને પણ સળગાવી દીધો. અહીં ચોંકાવનારી વાત એ છે કે આરોપી પહેલા તેની પ્રેમિકાને છત્તીસગઢથી ઓડિશા લઈ ગયો અને ત્યાં જઈને આ ઘૃણાસ્પદ ઘટનાને અંજામ આપ્યો. હાલ પોલીસે આરોપીની ધરપકડ કરી લીધી છે.
છત્તીસગઢના કોરબા જિલ્લાની રહેવાસી 21 વર્ષની તનુ કુરે રાયપુરમાં રહેતી હતી ત્યારે એક ખાનગી બેંકમાં કામ કરતી હતી. તનુ તેના મિત્ર સચિન અગ્રવાલ સાથે 21 નવેમ્બરે બાલાંગિર જવા નીકળી હતી. પરંતુ તે દરમિયાન તેના ઠેકાણા વિશે કંઈ જાણી શકાયું ન હતું. જ્યારે તેના સંબંધીઓએ તનુનો સંપર્ક કરવાનો પ્રયાસ કર્યો ત્યારે તેનો ફોન પણ બંધ હતો. તનુના પરિવારનો આરોપ છે કે ઓડિશા પહોંચ્યા બાદ સચિન તેને તેના પરિવારના સભ્યો સાથે વાત કરવા દેતો ન હતો. તો તનુની હત્યા બાદ સચિન પણ તનુ તરીકે પરિવારના સભ્યો સાથે ચેટિંગ કરતો હતો. તનુના પરિવારને શંકા જતાં તેઓએ પોલીસમાં ફરિયાદ કરી. જે બાદ રાયપુર પોલીસે તપાસ દરમિયાન તનુની લાશ ઓડિશામાંથી મળી આવી હતી.
પોલીસને સચિન પર શંકા જતાં તેણે પોતાનું લોકેશન બદલવાનું શરૂ કર્યું. જોકે, પોલીસે તેનો ફોન ટ્રેસ કરીને તેની ધરપકડ કરી હતી. પોલીસ પૂછપરછમાં સચિને તનુની હત્યા કર્યા બાદ કબૂલાત કરી છે. તેણે કહ્યું કે તેને શંકા હતી કે તનુના કોઈ અન્ય સાથે સંબંધ છે.
આ પણ વાંચો: Gujarat Election/બાંગ્લાદેશીઓ સામેની ટિપ્પણી દરમિયાન પરેશ રાવલના બફાટથી