First Phase Elections: ગુજરાત વિધાનસભાની પ્રથમ તબક્કાની 89 બેઠકો પર ગુરુવારે સવારથી મતદાન શરૂ થઈ ગયું છે. સાંજે 788 ઉમેદવારોનું ભાવિ EVM મશીનમાં બંધ થઈ જશે. પરંતુ સત્તાધારી ભાજપ માટે આ ચૂંટણી પ્રતિષ્ઠાનો પ્રશ્ન બની રહી છે. કારણ કે ઓછા માર્જિનવાળી બેઠકો પાર્ટી માટે સમસ્યા બની રહે છે. જ્યારે કોંગ્રેસ પક્ષ અગાઉની કામગીરીનું પુનરાવર્તન કરવા મક્કમ છે. આ સાથે જ ગુજરાતમાં પ્રથમવાર ચૂંટણી મેદાનમાં ઉતરેલી આમ આદમી પાર્ટી પણ સારા પ્રદર્શનની આશા સેવી રહી છે. 2012 અને 2017ના ચૂંટણી પરિણામોના ડેટાનું વિશ્લેષણ દર્શાવે છે કે 2017માં સૌરાષ્ટ્ર અને દક્ષિણ ગુજરાતમાં પાંચ ટકાથી ઓછા માર્જિન સાથે 20 બેઠકો હતી. જેમાંથી કોંગ્રેસને 12 અને ભાજપને 8 બેઠકો મળી હતી. તો 2 ટકાથી ઓછા માર્જિન સાથે 11 બેઠકો હતી. જ્યારે 2 થી 5 ટકાના માર્જિન સાથે 9 બેઠકો હતી. તેવી જ રીતે 2012 માં સૌરાષ્ટ્ર અને દક્ષિણ ગુજરાતમાં 5 ટકાથી ઓછા માર્જિન સાથે 18 બેઠકો હતી. અહીં કોંગ્રેસને 11 અને ભાજપને 7 બેઠકો મળી છે. 2 ટકાથી ઓછા માર્જિન સાથે 8 બેઠકો હતી. જ્યારે 2 થી 5 ટકાના માર્જિન સાથે 10 બેઠકો હતી.
89 બેઠકોના પ્રથમ તબક્કામાં 2012માં 73.52 ટકા અને 2017માં 68.33 ટકા મતદાન થયું હતું. 2017માં સૌરાષ્ટ્ર અને દક્ષિણ ગુજરાતમાં ભાજપને 43.67 ટકા અને કોંગ્રેસને 37.22 ટકા વોટ મળ્યા હતા. 2002 થી આ પ્રદેશમાં અંકલેશ્વર, ચોર્યાસી, ગણદેવી, જલાપુર, કામરેજ, નવસારી, ઓલપાડ અને માંગરોળ વિધાનસભા બેઠકો ભાજપનો ગઢ રહી છે. જ્યારે 2002થી વ્યારા, ધરમપુર, માંડવી અને રાપર બેઠક પર કોંગ્રેસનું વર્ચસ્વ છે. 2012ની વિધાનસભા ચૂંટણીના વર્તમાન પરિણામો પરથી 2022ના પ્રથમ તબક્કાની બેઠકોનું વિશ્લેષણ દર્શાવે છે કે પ્રથમ તબક્કાની 89 બેઠકોમાંથી ભાજપ પાસે કુલ 63 બેઠકો છે. જ્યારે કોંગ્રેસ પાસે 23 અને અન્ય પક્ષો પાસે 3 બેઠકો છે. જેમાંથી સૌરાષ્ટ્ર કચ્છમાં ભાજપ પાસે 35 બેઠકો છે. જ્યારે દક્ષિણ ગુજરાતમાં 28 બેઠકો છે. તેવી જ રીતે કોંગ્રેસ પાસે સૌરાષ્ટ્ર કચ્છમાં 17 અને દક્ષિણ ગુજરાતમાં 3 બેઠકો છે.
2017ના ચૂંટણી પરિણામોનું વિશ્લેષણ દર્શાવે છે કે આ 89 બેઠકોમાંથી ભાજપ પાસે 48 અને કોંગ્રેસ પાસે 38 બેઠકો છે. જ્યારે અન્ય પક્ષો પાસે 3 બેઠકો છે. જેમાંથી સૌરાષ્ટ્ર કચ્છમાં ભાજપ પાસે 23 બેઠકો છે. જ્યારે દક્ષિણ ગુજરાતમાં 25 બેઠકો છે. તેવી જ રીતે સૌરાષ્ટ્ર કચ્છમાં કોંગ્રેસ પાસે 30 અને દક્ષિણ ગુજરાતમાં 8 બેઠકો છે.
આ પણ વાંચો: Gst collection/નવેમ્બરનું જીએસટી કલેકશન 1.46 લાખ કરોડ, ગયા વર્ષ કરતાં 11 ટકા વધારે
