Porbandar News: પોરબંદર જિલ્લાના પ્રખ્યાત માધવપુર દરિયાકિનારે આજે એક રહસ્યમય ઘટના સામે આવતા સમગ્ર વિસ્તારમાં ચકચાર મચી ગઈ હતી. વહેલી સવારથી દરિયામાં એક વિશાળ કન્ટેનર (Mystery Container) તરતું જોવા મળતાં સ્થાનિકોમાં ભારે ઉત્સુકતા ફેલાઈ હતી. ઘટનાની જાણ થતાં મોટી સંખ્યામાં લોકો દરિયાકાંઠે પહોંચી ગયા હતા.
દરિયાના મોજાં અને પવનના કારણે કન્ટેનર ધીમે-ધીમે કિનારા તરફ આગળ વધતું રહ્યું અને બાદમાં દરિયાકાંઠે આવેલા પવિત્ર શિવલિંગ નજીક આવીને અટકી ગયું. કન્ટેનર કિનારે પહોંચતાં લોકોના ટોળેટોળાં ઉમટી પડ્યા હતા.ઘટનાની જાણ થતાં માધવપુર પોલીસ અને કસ્ટમ વિભાગની ટીમો તાત્કાલિક સ્થળ પર પહોંચી હતી. સુરક્ષાના ભાગરૂપે સમગ્ર વિસ્તારને કોર્ડન કરીને લોકોને કન્ટેનરથી સુરક્ષિત અંતરે રહેવા સૂચના આપવામાં આવી હતી.
Mystery Container: પ્રાથમિક તપાસમાં શું સામે આવ્યું?
અધિકારીઓ દ્વારા કરાયેલી પ્રાથમિક તપાસમાં કન્ટેનર (Mystery Container) અંદરથી સંપૂર્ણપણે ખાલી હોવાનું સામે આવ્યું છે. શરૂઆતમાં લોકોમાં એવી ચર્ચા હતી કે કન્ટેનરમાં કોઈ કિંમતી સામાન અથવા શંકાસ્પદ વસ્તુઓ હોઈ શકે, પરંતુ તપાસ દરમિયાન એવું કંઈ મળ્યું નથી.
તપાસનો કેન્દ્રબિંદુ શું?
હાલ સુરક્ષા એજન્સીઓ કન્ટેનર (Mystery Container) ક્યાંથી તણાઈ આવ્યું, તે કયા જહાજ અથવા માલવાહક વહાણનું છે, તેના પર કોઈ ઓળખપત્ર, કોડ અથવા માર્કિંગ છે કે નહીં તેમજ અગાઉ તેમાં શું સામાન હતો તે સહિતના મુદ્દાઓની તપાસ કરી રહી છે.અધિકારીઓ દરિયાઈ માર્ગે કોઈ ગેરકાયદેસર પ્રવૃત્તિ કે સુરક્ષા સંબંધિત બાબત જોડાયેલી છે કે નહીં તે દિશામાં પણ તપાસ કરી રહ્યા છે. તપાસ પૂર્ણ થયા બાદ જ સમગ્ર ઘટનાનું સાચું કારણ સામે આવશે.
સુરક્ષા વ્યવસ્થા વધારાઈ
લોકોની ભીડને ધ્યાનમાં રાખીને સ્થળ પર પોલીસ બંદોબસ્ત વધારવામાં આવ્યો છે. લોકોને કન્ટેનર (Mystery Container)ની નજીક ન જવા અપીલ કરવામાં આવી છે જેથી કોઈ અનિચ્છનીય ઘટના ન બને.
આ પણ વાંચો:શું મોરબી વૈશ્વિક માર્કેટ ગુમાવશે? 1500 કન્ટેનર પરત ફર્યા, કેન્દ્ર સરકાર આપશે ₹50 લાખ સુધીનું વળતર
આ પણ વાંચો:કચ્છના દરિયા કિનારે ત્રણ-ચાર કન્ટેનર ટેન્કર મળી આવ્યા, પોલીસ હેરાન
