Sanand News:અમદાવાદના (Ahmedabad) સાણંદ (Sanand) વિસ્તારમાં પોલીસે (Police) ડ્રગ્સ (Drugs) સામે મોટી ઝુંબેશ શરૂ કરી છે. સાણંદ પોલીસે જૈન દેરાસર પાસે રહેતા વિજયસિંહ વાઘેલા નામના વ્યક્તિના ઘરેથી 1.91 કિલો ગાંજા જપ્ત કર્યો છે. આ કેસમાં વિજયસિંહની અટકાયત કરવામાં આવી છે, જ્યારે રાજસ્થાનના રાજુ હીરાભાઈ નામના વ્યક્તિને વોન્ટેડ જાહેર કરવામાં આવ્યો છે. આ કાર્યવાહીમાં પોલીસે 14,410 રૂપિયાની કિંમતનો ગાંજા અને અન્ય કિંમતી વસ્તુઓ જપ્ત કરી છે.
સાણંદ પોલીસને બાતમી મળી હતી કે જૈન દેરાસર પાસે રહેતા વિજયસિંહ વાઘેલા ગેરકાયદેસર રીતે ગાંજાનો વેપાર કરે છે. આ માહિતીના આધારે પોલીસે વિજયસિંહના ઘરે દરોડો પાડ્યો હતો.દરોડા દરમિયાન પોલીસને 1.91 કિલો ગાંજા મળી આવ્યો હતો, જેની બજાર કિંમત આશરે 14,410 રૂપિયા છે. આ ઉપરાંત, પોલીસે ગુનામાં વપરાયેલી અન્ય મિલકત પણ જપ્ત કરી છે.
પોલીસે વિજયસિંહ વાઘેલાની ધરપકડ કરી છે અને તેની પૂછપરછ શરૂ કરી છે.શરૂઆતની તપાસમાં જાણવા મળ્યું છે કે વિજયસિંહ રાજસ્થાનના રાજુ હીરાભાઈ નામના વ્યક્તિના સંપર્કમાં રહીને ગાંજો વેચતો હતો. રાજુ હીરાભાઈ હાલમાં ફરાર છે અને પોલીસે તેને વોન્ટેડ જાહેર કર્યો છે. પોલીસે રાજુને શોધવા માટે એક ખાસ ટીમ બનાવી છે અને રાજસ્થાન પોલીસના સંપર્કમાં છે.સાણંદ પોલીસે આ મામલે નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ કેસ નોંધ્યો છે.
આ પણ વાંચો:સાણંદ તાલુકાની માણકોલ પ્રાથમિક શાળામાં વિદ્યાર્થીને મારઝૂડને લઈને વિવાદ
આ પણ વાંચો:સાણંદમાં VIP દારૂની પાર્ટી પર પોલીસનો દરોડો, દારૂમાં ધુત થયેલ 50 જેટલા યુવાનો ઝડપાયા!
આ પણ વાંચો:સાણંદ અને આંબલી રોડ સ્ટેશન પર નમો ભારત રેપિડ રેલના સ્ટોપેજનો પ્રારંભ
