Jamnagar News: જામનગર (Jamnagar) જિલ્લાના જામજોધપુર (Jamjodhpur) પંથકમાં લોકલ ક્રાઈમ બ્રાન્ચ (LCB) દ્વારા ગેરકાયદેસર દારૂની હેરાફેરી સામે મોટી કાર્યવાહી હાથ ધરવામાં આવી છે. જામજોધપુરના વાસજાળીયા ગામે એક રહેણાંક મકાનમાં પોલીસે દરોડો પાડી વિદેશી દારૂનો મોટો જથ્થો જપ્ત કર્યો છે. આ કાર્યવાહીમાં એક શખ્સની ધરપકડ કરવામાં આવી છે, અને રૂપિયા 12.8 લાખથી વધુનો મુદ્દામાલ જપ્ત કરાયો છે.
લોકલ ક્રાઈમ બ્રાન્ચને ગુપ્ત માહિતી મળી હતી કે વાસજાળીયા ગામમાં એક રહેણાંક મકાનમાં ગેરકાયદેસર રીતે વિદેશી દારૂનો જથ્થો સંગ્રહાયેલો છે. આ માહિતીના આધારે LCBની ટીમે તાત્કાલિક કાર્યવાહી હાથ ધરી અને ગુરુવારે વહેલી સવારે દરોડો પાડ્યો. દરોડા દરમિયાન પોલીસે મકાનમાંથી વિદેશી દારૂની 2,035 બોટલો જપ્ત કરી. આ જથ્થાની બજાર કિંમત આશરે 12.8 લાખ રૂપિયા હોવાનું અંદાજવામાં આવે છે.
આ કેસમાં પોલીસે પબા મેરાભાઇ મોરી નામના શખ્સની ધરપકડ કરી છે, જેના પર ગેરકાયદેસર દારૂનો વેપાર કરવાનો આરોપ છે. પોલીસે આરોપીની પૂછપરછ શરૂ કરી છે, જેમાં દારૂના સપ્લાય ચેઈન અને તેના સંબંધિત અન્ય શખ્સો વિશે માહિતી મેળવવાનો પ્રયાસ કરવામાં આવી રહ્યો છે. પોલીસે જણાવ્યું કે આરોપી સામે ગુજરાત પ્રોહિબિશન એક્ટ હેઠળ કેસ નોંધવામાં આવ્યો છે, અને તપાસ હજુ ચાલુ છે.
આ પણ વાંચો:જામનગરમા કોંગ્રેસનો હાથમા, માથા પર પાટા બાંધી નાટકીય વિરોધ
આ પણ વાંચો:જામનગરમાં ઉબડ-ખાબડ રસ્તાના કારણે માતા-પુત્ર ખુલ્લી ગટરમાં પટકાયા
આ પણ વાંચો:જામનગર : રેરેસ્ટ ઓફ ધ રેર ક્રાઈમ કેસનો ચુકાદો આવ્યો, પિતા-પુત્રીને આજીવન કેદની સજા
