મલયાલમ ફિલ્મ ઈન્ડસ્ટ્રીના જાણીતા નિર્માતા અને એક્ટર વિજય બાબુ વિરુદ્ધ બળાત્કારનો કેસ નોંધવામાં આવ્યો છે. અભિનેતા પર ફિલ્મોમાં કામ અપાવવાના મામલે એક મહિલા સાથે શારીરિક સંબંધ બાંધવાનો આરોપ લાગ્યો છે. મળતી માહિતી મુજબ કોઝિકોડની રહેવાસી ફરિયાદી મહિલાએ વિજય બાબુ વિરુદ્ધ કેસ દાખલ કર્યો છે.
ફરિયાદીના જણાવ્યા મુજબ, વિજય બાબુએ પહેલા તેને ફિલ્મોમાં કામ અપાવવાની વાત કરી અને પછી તેને પોતાની લાગણી સાથે ખેલી અને તેની સાથે ઘણી વખત શારીરિક સંબંધો બાંધ્યા.ઉલ્લેખનીય છે કે, અભિનેતા વિરુદ્ધ 22 એપ્રિલે આ કેસ નોંધવામાં આવ્યો હતો. પીડિતાનો આરોપ છે કે ફરિયાદના ચાર દિવસ પછી પણ પોલીસે આ મામલે અભિનેતાની પૂછપરછ કરી નથી. પોલીસે વિજય બાબુના ઠેકાણાનો પણ ખુલાસો કર્યો નથી. જોકે, અભિનેતા સામેના આ આરોપથી મલયાલમ ફિલ્મ ઈન્ડસ્ટ્રીમાં ખળભળાટ મચી ગયો છે.
નોંધનીય છે કે વિજય બાબુ મલયાલમ ફિલ્મ ઈન્ડસ્ટ્રીના એક પ્રસિદ્ધ નિર્માતા અને અભિનેતા છે.અભિનેતાના ચાહકોની સંખ્યા કરોડોમાં ગણી શકાય. વિજય બાબુએ ઈન્ડસ્ટ્રીમાં ઘણી હિટ ફિલ્મો આપી છે. તેમની ફ્રાઈડે ફિલ્મ હાઉસ નામની પ્રોડક્શન કંપની પણ છે.તેમણે આ પ્રોડક્શન હાઉસમાંથી નવી ફિલ્મો બનાવવાની પણ જાહેરાત કરી છે.
