મેરેન્ગો એશિયા હેલ્થકેરે અમદાવાદની CIMS હોસ્પિટલમાં રૂ. 450 કરોડના રોકાણની જાહેરાત કરી હતી. આ રોકાણ દ્વારા, મારેન્ગો એશિયા હેલ્થકેર નવી ક્લિનિકલ ભાગીદારી બનાવવા, નવીનતમ તબીબી અને તકનીકી નવીનતાઓ પ્રદાન કરવા અને CIMS હોસ્પિટલમાં વૈશ્વિક કુશળતા લાવવાની યોજના ધરાવે છે.
CIMS હોસ્પિટલની સ્થાપના 2010 માં કરવામાં આવી હતી. આ હોસ્પિટલ ડો. કેયુર પરીખના નેતૃત્વ હેઠળ હાર્ટના ડોકટરોની ટીમ દ્વારા ચલાવવામાં આવે છે. અગાઉ CIMS હોસ્પિટલમાં 125 બેડની સુવિધા હતી પરંતુ હવે તેને વધારીને 330 બેડની મલ્ટી-સુપર સ્પેશિયાલિટી હોસ્પિટલ કરવામાં આવી છે. CIMS હોસ્પિટલ એ ગુજરાતની પ્રથમ JCI માન્યતા પ્રાપ્ત હોસ્પિટલ પૈકીની એક છે અને તે હાર્ટ ટ્રાન્સપ્લાન્ટેશન, TAVR, બાળરોગ, બોન મેરો ટ્રાન્સપ્લાન્ટેશન, કેન્સર જેવી જટિલ પ્રક્રિયાઓ સફળતાપૂર્વક હાથ ધરવા માટે ગુજરાત રાજ્યની નંબર 1 હોસ્પિટલ છે.
સમારા કેપિટલ, હેવેલ્સ ફેમિલી ઈન્વેસ્ટમેન્ટ ઓફિસ અને ગોદરેજ ફેમિલી ઈન્વેસ્ટમેન્ટ ઓફિસ દ્વારા સમર્થિત મેરેન્ગો એશિયા હેલ્થકેર પ્લેટફોર્મ માટે આ પ્રથમ રોકાણ છે. બંને સંસ્થાઓ વચ્ચે થયેલા કરાર મુજબ, CIMS હોસ્પિટલના તમામ સ્થાપક ડોકટરો પણ રોકાણકારો તરીકે Marengo Asia સાથે જોડાશે.
CIMSના સ્થાપક અને પ્રમુખ ડૉ. કેયુર પરીખે ભાગીદારી પર ટિપ્પણી કરતા કહ્યું કે, “cims હોસ્પિટલ ક્લિનિકલ એક્સેલન્સની દ્રષ્ટિએ ગુજરાતની નંબર 1 ક્રમાંકિત હોસ્પિટલ છે, અને અમે સમગ્ર ભારતમાં CIMSના પદચિહ્નને સંયુક્ત રીતે વધારવા માટે Marengo Asia Healthcare સાથે સાંકળવા માટે ખૂબ જ ઉત્સાહિત છીએ.”
ડૉ. રાજીવ સિંઘલે, ફાઉન્ડિંગ મેમ્બર અને મેનેજિંગ ડિરેક્ટર, મરેન્ગો એશિયા હેલ્થકેર જણાવ્યું હતું કે – “અમે CIMS હોસ્પિટલ અને તેની શ્રેષ્ઠ ડૉક્ટરોની ટીમ સાથે ભાગીદારી કરવા માટે ઉત્સાહિત છીએ. અમારા નેટવર્ક દ્વારા વિશ્વના શ્રેષ્ઠ ડૉક્ટરો અને શૈક્ષણિક સંસ્થાઓ સાથે ભાગીદારી કરીને, અમે CIMS હોસ્પિટલની ક્લિનિકલ સ્ટ્રેન્થને આગળ વધારવા અને કાર્ડિયાક સાયન્સ, ઓન્કોલોજી અને ટ્રાન્સપ્લાન્ટ જેવા વિભાગોમાં ઉત્કૃષ્ટ પરિણામો આપવાનું લક્ષ્ય છે.”
અમે ગુજરાત અને પશ્ચિમ ભારતના અન્ય ભાગોમાં CIMS હોસ્પિટલનું વિસ્તરણ કરવાની યોજના બનાવી રહ્યા છીએ. ‘પેશન્ટ ફર્સ્ટ’ પર અમારું ધ્યાન કેન્દ્રિત કરવાનો અર્થ છે કે દેશભરમાંથી સારવારની જરૂરિયાત ધરાવતા દર્દીઓને વિશ્વસ્તરીય ડોકટરોની ટીમો, શ્રેષ્ઠ ગુણવત્તાની સારવાર અને CIMS હોસ્પિટલમાં ઉપલબ્ધ અત્યાધુનિક મેડિકલ ઈન્ફ્રાસ્ટ્રક્ચર પ્રદાન કરવું.
ઈન્ડિયમ કેપિટલ એડવાઈઝર્સ આ સોદા માટે CIMS અને તેમના શેરધારકોના વિશિષ્ટ સલાહકાર હતા. સ્ટ્રેટેજી લો પાર્ટનર્સ અને ડીએસકે લીગલ અનુક્રમે મરેન્ગો એશિયા હેલ્થકેર અને CIMS હોસ્પિટલ અને તેના શેરધારકોના કાનૂની સલાહકાર હતા.
COP26 બેઠક / ઈઝરાયેલના વડાપ્રધાને પીએમ મોદીને કહ્યું, તમે મારી પાર્ટીમાં જોડાઈ જાઓ
અફઘાનિસ્તાન બ્લાસ્ટ / કાબુલમાં મિલિટરી હોસ્પિટલ પાસે વિસ્ફોટ, 19ના મોત, 50 ઘાયલ