મારુતિ સુઝુકીનાં વેચાણમાં સતત બીજા મહિનામાં બે આંકડાની વૃદ્ધિ નોંધાઈ છે. ઓક્ટોબર 2020 માં કંપનીએ 1,72,862 વાહનોનું વેચાણ કર્યું, જે ગયા વર્ષનાં ઓક્ટોબરમાં વેચાયેલા 1,44,277 વાહનોની તુલનામાં 19.8 ટકાનો વધારો છે.
સ્વિફ્ટ, ડિઝાયર, વેગન-આર અને સેલેરિયો જેવી કોમ્પેક્ટ કારોએ આ વેચાણમાં મોટો ફાળો આપ્યો હતો અને મારુતિ સુઝુકીએ ઓક્ટોબર 2020 માં 95,067 વાહનોનું વેચાણ કરીને આ સેગમેન્ટમાં 26.6 ટકા વૃદ્ધિ નોંધાવી હતી, જે ગયા વર્ષનાં સમાન મહિનામાં 75,094 યુનિટ હતી. ગત વર્ષે ઓક્ટોબરમાં ઓલ્ટો અને એસ-પ્રેસો જેવી નાની કારોનું વેચાણ 28,537 યુનિટ હતું, જે ઓક્ટોબર 2020 માં 28,462 યુનિટ રહ્યુ, જે 0.3 ટકાનો ઘટાડો દર્શાવે છે.
મારુતિ સુઝુકી સીઆઝનાં વેચાણમાં 40 ટકાનો ઘટાડો જોવા મળ્યો છે, ગયા મહિને સિડાનનાં 1,422 યુનિટ વેચાયા હતા, જ્યારે ગયા વર્ષે ઓક્ટોબરમાં 2,371 યુનિટ વેચાયા હતા. મારુતિ સુઝુકીમાં યુવી સેગમેન્ટમાં 9.9 ટકાનો વૃદ્ધિ જોવા મળી છે જ્યાં ઓક્ટોબર 2020 માં 25,396 વાહનો વેચવામાં આવ્યા છે, જ્યારે ઓક્ટોબર 2019 માં 23,108 યુનિટ વેચાયા હતા. વળી વેગ સેગમેન્ટનાં વેચાણમાં 32.9 ટકાનો મજબૂત વધારો જોવા મળ્યો છે. આ સિવાય એલસીવીનાં કિસ્સામાં પણ સુપર કેરીનાં વેચાણમાં 30.5 ટકાનો ઉછાળો જોવા મળ્યો છે.
ટોયોટાને વેચેલા કુલ મારુતિ સુઝુકી વાહનો ગત મહિને 6,037 એકમો રહ્યા હતા, જે ઓક્ટોબર 2019 માં 2,727 એકમો હતા, જે 121.4 ટકાનો વધારો દર્શાવે છે. મારુતિ સુઝુકીની નિકાસમાં પણ 4.7 ટકાનો વધારો જોવા મળ્યો છે. કંપનીએ સ્થાનિક રીતે કુલ 1,82,448 વાહનોનું વેચાણ કર્યું છે અને નિકાસ ગયા વર્ષનાં સમાન મહિનામાં 1,53,435 વાહનોની રહી હતી અને તેમાં સારી 18.9 ટકાની વૃદ્ધિ જોવા મળી છે. આ સિવાય મારુતિ સુઝુકીમાં મહિના-દર-મહિનાનાં વેચાણમાં 13.71 ટકાનો વધારો જોવા મળ્યો છે.
