સુરેન્દ્રનગર ડિસ્ટ્રીક્ટ કોર્ટ ખાતે રાષ્ટ્રીય કાનૂની સેવા સત્તા મંડળ તથા રાજ્ય કાનૂની સેવા સત્તા મંડળના માર્ગદર્શન હેઠળ આઝાદી કા અમૃત મહોત્સવના ભાગરૂપે પાન ઈન્ડીયા અવેરનેસ એન્ડ આઉટરીચ કેમ્પેઈન મુજબ સુરેન્દ્રનગર જિલ્લા કાનૂની સેવા સત્તા મંડળ અને જિલ્લા વહીવટી તંત્રના સંયુક્ત ઉપક્રમે મેગા લીગલ સર્વિસ કેમ્પ યોજાયો હતો.
આ પણ વાંચો :Technology / કોણ હતા ડૉ.કમલ રણદિવે, શા માટે ગૂગલે આજે તેમનું ડૂડલ બનાવ્યું છે
આ મેગા લીગલ સર્વિસ કેમ્પમાં જિલ્લા વહીવટી તંત્ર દ્વારા આવકના દાખલા, જાતિના દાખલા, નોન ક્રીમીલેયર પ્રમાણપત્ર તથા જન સુવિધા કેન્દ્ર દ્વારા આપવામાં આવતા પ્રમાણપત્ર, વિધવા સહાય યોજના વગેરે જેવી નાગરિકો માટે જરૂરી સેવાઓ તથા પ્રમાણપત્રો કાઢી આપવામાં આવ્યા હતા. આ ઉપરાંત જિલ્લા આરોગ્ય વિભાગ દ્વારા કોરોના વેક્સિનેશન તથા આરોગ્ય ચેકઅપ કેમ્પનું પણ આયોજન કરવામાં આવ્યું હતું.
આ પણ વાંચો :UK PM બોરિસ જહોન્સને ઉજવી દિવાળી / UK PM બોરિસ જહોન્સન ગૃહ સચિવ પ્રીતિ પટેલ સાથે દિવાળી મનાવવા નીસડન મંદિર ખાતે પહોંચ્યા
નોંધનીય છે કે, આ મેગા લીગલ સર્વિસ કેમ્પમાં જિલ્લાના અંદાજિત ૩,૯૫૦ જેટલા લાભાર્થીઓએ લાભ લીધો હતો.
આ પ્રસંગે પ્રિન્સિપાલ ડિસ્ટ્રીક્ટ જજશ્રી એસ.વી.પિન્ટો, જિલ્લા કલેક્ટર એ.કે.ઔરંગાબાદકર, જિલ્લા કાનૂની સેવા સત્તા મંડળના સેક્રેટરીશ્રી એચ.એચ.ગુપ્તા અને વઢવાણ પ્રાંત અધિકારી અનિલ ગોસ્વામી સહિત મોટી સંખ્યામાં લાભાર્થીઓ ઉપસ્થિત રહ્યા હતા.
