જમ્મુ-કાશ્મીરના પૂર્વ મુખ્યમંત્રી અને પીપુલ્સ ડેમોક્રેટિક પાર્ટીના અધ્યક્ષ મહેબૂબા મુફ્તીએ રવિવારે ભાજપ પર આકરા પ્રહારો કર્યા હતા. તેમણે કહ્યું કે, “કાશ્મીર તેના બંધારણ દ્વારા ભારત સાથે જોડાયેલું છે. પરંતુ ભાજપે બંધારણને નષ્ટ કર્યું. ભારત ભાજપનું નથી. જ્યાં સુધી તમે કાશ્મીર સમસ્યાનો ઉકેલ નહીં લાવો, તમે અહીં ગમે તેટલા સૈનિકો મોકલો, તમને કોઈ પરિણામ દેખાશે નહીં. આપને જણાવી દઈએ કે આ વર્ષે બીજી વખત પીડીપી પ્રમુખ મહેબૂબા મુફ્તીને તેમનું નિવાસસ્થાન ખાલી કરવા માટે કહેવામાં આવ્યું છે.આ વખતે તેમને 24 કલાકની નોટિસ સાથે સરકારી આવાસ ખાલી કરવા માટે કહેવામાં આવ્યું છે.
અધિકારીઓએ મુફ્તીને દક્ષિણ કાશ્મીરના અનંતનાગ જિલ્લાના ખાનાબલ વિસ્તારમાં તેના હાઉસિંગ કોલોની ક્વાર્ટર ખાલી કરવા કહ્યું. આ ઘર તેમને સરકાર દ્વારા ફાળવવામાં આવ્યું હતું. ગ્રેટર કાશ્મીર અનુસાર, મુફ્તી સિવાય, ત્રણ ભૂતપૂર્વ ધારાસભ્યોને પણ સમાન સરકારી ક્વાર્ટર્સમાં તેમના સંબંધિત આવાસ ખાલી કરવા માટે કહેવામાં આવ્યું છે.
અગાઉ તેમને ઓક્ટોબર મહિનામાં ઘર ખાલી કરવાની નોટિસ આપવામાં આવી હતી. આ નોટિસનો જવાબ આપવા માટે તેમને 7 દિવસનો સમય આપવામાં આવ્યો હતો. ગુપકર રોડનું ઘર તેમના પિતા અને પૂર્વ મુખ્યમંત્રી મુફ્તી મોહમ્મદ સઈદને 2005માં ફાળવવામાં આવ્યું હતું. મુફ્તી 2016 અને 2018 ની વચ્ચે મુખ્યમંત્રી તરીકેના તેમના કાર્યકાળ દરમિયાન અને પછી અહીં રહેતા હતા.
આ પણ વાંચો: સત્યેન્દ્ર જૈનનો વધુ એક વીડિયો જેલનો વાયરલ, 10 લોકો સેવામાં હાજર
આ પણ વાંચો:PM મોદી આજે કરશે ‘મન કી બાત’ આ મુદ્દા પર કરી શકે છે વાત
આ પણ વાંચો:ઉત્તર કોરિયાનું લક્ષ્ય વિશ્વની સૌથી મોટી પરમાણુ શક્તિ પ્રાપ્ત કરવાનું છે: કિમ જોંગ
