Modi afraid of my speech: કોંગ્રેસ નેતા રાહુલ ગાંધીએ લોકસભામાંથી સાંસદનું પદ રદ્દ કર્યા બાદ કેન્દ્રની મોદી સરકાર પર આકરા પ્રહારો કર્યા છે. સભ્યપદ છોડ્યાના લગભગ 24 કલાક બાદ રાહુલ ગાંધીએ પ્રેસ કોન્ફરન્સ કરીને કેન્દ્ર સરકાર પર નિશાન સાધ્યું હતું. આ દરમિયાન તેમણે અદાણીના મુદ્દે કેન્દ્ર સરકારને પણ આડે હાથ લીધી હતી. માફી માંગીને આ મુદ્દો ઉકેલવા અંગે રાહુલે કહ્યું કે, મારું નામ સાવરકર નથી, મારું નામ ગાંધી છે. ગાંધીજી કોઈની માફી માંગતા નથી.
રાહુલે પોતાના સંબોધનની શરૂઆતમાં જ અદાણીનો મુદ્દો ઉઠાવ્યો હતો. રાહુલ ગાંધીએ કહ્યું કે, ‘હું સવાલ પૂછવાનું બંધ નહીં કરું. નરેન્દ્ર મોદી સાથે અદાણીનો શું સંબંધ છે? હું આ લોકોથી ડરતો નથી. જો તેઓ વિચારે છે કે મારું સભ્યપદ રદ કરીને, ડરાવી-ધમકાવીને, મને જેલમાં મોકલીને, તેઓ મને તાળા મારી શકે છે. હું ભારતના લોકતંત્ર માટે લડી રહ્યો છું અને લડતો રહીશ. કોંગ્રેસ નેતાએ કહ્યું કે, ‘હું સંસદની અંદર હોઉં કે બહાર તેનાથી મને કોઈ ફરક નથી પડતો. મારે મારી તપસ્યા કરવી છે, હું કરી બતાવીશ. તેઓ મને મારી નાખશે, મારશે અથવા મને જેલમાં ધકેલી દેશે, પરંતુ હું મારી તપસ્યા ચાલુ રાખીશ. આ એક આખું ડ્રામા છે જે વડાપ્રધાનને એક સાદા સવાલથી બચાવવા માટે કરવામાં આવ્યું છે. અદાણીની શેલ કંપનીઓમાં 20,000 કરોડ કોની પાસે ગયા? હું આ ધમકીઓ, ગેરલાયકાત અથવા જેલની સજાથી ડરવાનો નથી.
કોંગ્રેસ નેતા રાહુલ ગાંધીએ કહ્યું કે, મેં ઘણી વખત કહ્યું છે કે ભારતમાં લોકશાહી પર હુમલો થઈ રહ્યો છે. રોજેરોજ આપણને આના નવા દાખલા મળી રહ્યા છે, મેં સંસદમાં પુરાવા આપ્યા, અદાણી અને પીએમ મોદી વચ્ચેના સંબંધો વિશે વાત કરી. નિયમોમાં ફેરફાર કરીને અદાણીને એરપોર્ટ આપવામાં આવ્યું, મેં સંસદમાં આ અંગે વાત કરી હતી. વડા પ્રધાન મારા આગામી ભાષણથી ડરી ગયા હતા, તેથી મને ગેરલાયક ઠેરવવામાં આવ્યો છે. રાહુલે કહ્યું કે જો તેઓ મને કાયમ માટે ગેરલાયક ઠેરવે તો પણ હું મારું કામ ચાલુ રાખીશ. હું સંસદની અંદર હોઉં કે ન હોઉં તેનાથી કોઈ ફરક પડતો નથી. હું દેશ માટે લડતો રહીશ. તેમણે કહ્યું કે, મારું ભારત જોડો યાત્રાનું કોઈ પણ ભાષણ જુઓ, મેં હંમેશા કહ્યું છે કે તમામ સમાજ એક છે. નફરત, હિંસા ન થવી જોઈએ. આ OBCનો મામલો નથી, નરેન્દ્ર મોદી અને અદાણી વચ્ચેના સંબંધોનો મામલો છે. ભાજપ ધ્યાન હટાવવાનું કામ કરે છે, ક્યારેક ઓબીસીની વાત કરે છે, તો ક્યારેક વિદેશની વાત કરે છે.
રાહુલ ગાંધીએ આ પ્રેસ કોન્ફરન્સ દરમિયાન કહ્યું હતું કે, જનતા સમજી ગઈ છે કે અદાણી ભ્રષ્ટાચારી છે અને હવે લોકોના મનમાં પ્રશ્ન ઊભો થયો છે કે ભારતના વડાપ્રધાન આ ભ્રષ્ટાચારીને કેમ બચાવી રહ્યા છે. ભાજપના લોકોએ કહ્યું કે અદાણી પર હુમલો એ દેશ પર હુમલો છે, તેમના મનમાં દેશ અદાણી છે અને અદાણી દેશ છે. રાહુલે કહ્યું કે મોદીજી અને અદાણીજી વચ્ચેનો સંબંધ નવો નથી, ઘણો જૂનો છે. નરેન્દ્ર મોદી જ્યારે ગુજરાતના CM બન્યા ત્યારથી એક સંબંધ છે. મેં એરોપ્લેનનો ફોટો બતાવ્યો. નરેન્દ્ર મોદીજી તેમના મિત્ર સાથે ખૂબ જ આરામથી બેઠા હતા. મેં સંસદમાં ફોટો બતાવ્યો. રાહુલે કહ્યું કે પછી મારું ભાષણ ફેંકી દેવામાં આવ્યું. મેં સ્પીકરને વિગતવાર પત્ર લખ્યો. મેં કહ્યું કે નિયમો બદલાયા અને એરપોર્ટ અદાણીજીને આપવામાં આવ્યું પણ તેનાથી કોઈ ફરક પડ્યો નહીં. સંસદમાં મંત્રીઓએ મારા વિશે ખોટું બોલ્યા. તેણે કહ્યું કે મેં વિદેશી દળોની મદદ માંગી હતી, જ્યારે મેં આવું કંઈ કર્યું નથી. મેં સ્પીકરને કહ્યું કે સાહેબ, સંસદનો નિયમ છે કે જો કોઈ સભ્ય પર આરોપ લાગે તો જવાબ આપવાનો અધિકાર સભ્યને છે. મેં એક પત્ર લખ્યો અને કોઈ જવાબ ન મળ્યો, બીજો પત્ર લખ્યો અને કોઈ જવાબ મળ્યો નહીં. સ્પીકરની ચેમ્બરમાં જઈને કહ્યું કે સાહેબ કાયદો છે, તમે મને કેમ બોલવા નથી દેતા. સ્પીકર સાહેબ હસ્યા અને કહ્યું કે હું કરી શકતો નથી. કોંગ્રેસના પૂર્વ સાંસદે કહ્યું કે તે પછી શું થયું તે તમે બધાએ જોયું. હું પ્રશ્નો પૂછવાનું બંધ કરીશ નહીં.
વાયનાડ સાથે જોડાયેલા સવાલ પર રાહુલ ગાંધીએ કહ્યું કે, મારો વાયનાડના લોકો સાથે પ્રેમ અને પારિવારિક સંબંધ છે. હું ત્યાંના લોકોને પત્ર લખીશ કે તેમના માટે મારા દિલમાં શું છે. રાહુલ ગાંધીએ કહ્યું કે અદાણી પરના મારા ભાષણથી વડાપ્રધાન ડરી ગયા છે અને મેં તેમની આંખોમાં જોયું છે, તેથી પહેલા મુદ્દા પરથી ધ્યાન હટાવવામાં આવ્યું હતું. તે પછી મને ગેરલાયક ઠેરવવામાં આવ્યો.
જણાવી દઈએ કે રાહુલની સંસદની સદસ્યતા શુક્રવારે સમાપ્ત થઈ ગઈ હતી. લોકસભા સચિવાલયે પત્ર જારી કરીને આ અંગેની માહિતી આપી હતી, સાથે જ લોકસભાની વેબસાઈટ પરથી રાહુલનું નામ હટાવી દીધું હતું. રાહુલ કેરળના વાયનાડથી સાંસદ હતા. 2019માં રાહુલે કર્ણાટકની વિધાનસભામાં મોદી સરનેમને લઈને નિવેદન આપ્યું હતું. તેમણે કહ્યું હતું બધા ચોરની અટક મોદી કેમ છે? માનહાનિના આ કેસમાં સુરતની કોર્ટે ગુરુવારે બપોરે 12.30 કલાકે રાહુલ ગાંધીને 2 વર્ષની કેદની સજા ફટકારી છે. જોકે, 27 મિનિટ બાદ તેને જામીન મળી ગયા હતા. પરંતુ, સજાની જાહેરાતના 26 કલાક પછી, તેમની સભ્યપદ સમાપ્ત કરવામાં આવી હતી.
આ પણ વાંચોઃ કર્ણાટક ચૂંટણી/ કેટલાક લોકોએ ભાષાને વોટબેન્કનો ખેલ બનાવી, અમે વિકાસનું માધ્યમ બનાવીઃ મોદી
આ પણ વાંચોઃ પ્રહાર/ સજા અને સાંસદને છીનવી લેવા પર રાહુલ ગાંધીએ કહ્યું- સભ્યપદ જાય કે ધરપકડ થઇ જય, હું ચૂપ નહીં રહું…
આ પણ વાંચોઃ રાજકોટ/ લાંચ લેતા ઝડપાયેલા અધિકારીનો આપઘાત, ઓફિસની બિલ્ડિંગ પરથી લગાવી મોતની છલાંગ
