લોકપ્રિય ટીવી શો’જસ્સી જેસી કોઈ નહીં’ સીરીયલની જસ્સી ઉર્ફે મોના સિંહ ઘણા સમયથી ટીવીના પડદાથી દૂર હતી. મોના સિંહ જસ્સીની ભૂમિકામાં તેના શાનદાર અભિનયના કારણે ઘરે ઘરમાં પ્રખ્યાત થઈ હતી. આ શો પછી મોના સિંહે ઘણા શોમાં કામ કર્યું છે. તેણે ઘણી બોલિવૂડ ફિલ્મોમાં પણ કામ કર્યું છે. પરંતુ ત્યારપછી તે અચાનક જ ટીવીના પડદાથી દૂર થઈ ગઈ હતી. પરંતુ હવે મોના સિંહ ટૂંક સમયમાં ક્રાઈમ શો હોસ્ટ કરતી જોવા મળશે.
કોમેડી નાઇટ્સ બચાવો’ના લગભગ 5 વર્ષ પછી મોના સિંહ નાના પડદે કમબેક કરી રહી છે. મીડિયા રિપોર્ટ્સ અનુસાર ક્રાઇમ શો ‘મૌકા-એ-વરદાદ 2’ હોસ્ટ કરવા જઈ રહી છે. મોનાનું વ્યક્તિત્વ પણ આવા શો માટે યોગ્ય છે. સમાચાર છે કે શોમાં મોના સાથે એક્ટર રવિ કિશન પણ જોવા મળશે. મોના આ પ્રકારનો શો હોસ્ટ કરવાનું કામ પહેલીવાર કરી રહી છે. આ વાતની પુષ્ટિ તેણે કરી છે અને તે ખૂબ ઉત્સાહિત પણ છે. જો કે તેણે ક્રાઇમ શો ‘સીઆઈડી’ માં પણ કામ કર્યું હતું.