Viral Girl Monalisa Marriage Controversy:પ્રયાગરાજ કુંભ મેળાથી ચર્ચામાં આવેલી જોડી મોનાલિસા ભોંસલે અને તેના પતિ મોહમ્મદ ફરમાનને કસ્ટડીમાં લેવા કેરળ પહોંચેલી મધ્ય પ્રદેશ પોલીસની ટીમને ખાલી હાથે પરત ફરવું પડ્યું છે. ફરમાને પોલીસને ચોંકાવનારી વિગત આપી છે કે મોનાલિસા અત્યારે ગર્ભવતી (Pregnant) છે, જેના કારણે તે મુસાફરી કરવા કે પોલીસ સમક્ષ હાજર થવા સક્ષમ નથી. આ ખુલાસા બાદ 5 સભ્યોની પોલીસ ટીમ હાલ મધ્ય પ્રદેશ પરત ફરી છે.
વય મર્યાદા અને POCSO એક્ટનો વિવાદ
આ સમગ્ર વિવાદની શરૂઆત મોનાલિસાના પિતાની ફરિયાદથી થઈ હતી. તેમણે મધ્ય પ્રદેશના મહેશ્વર પોલીસ સ્ટેશનમાં નોંધાવ્યું હતું કે તેમની પુત્રીની ઉંમર માત્ર 16 વર્ષ છે અને તેનું અપહરણ કરવામાં આવ્યું છે. રાષ્ટ્રીય અનુસૂચિત જનજાતિ આયોગ (NCST) ની તપાસમાં પણ મોનાલિસા સગીર હોવાનું બહાર આવ્યું હતું, જેના આધારે ફરમાન વિરુદ્ધ પોક્સો એક્ટ (POCSO Act) હેઠળ ગુનો દાખલ થયો છે. જોકે, મોનાલિસાનો દાવો છે કે તે 18 વર્ષની પુખ્ત વયની છે અને તેણે 11 માર્ચે તિરુવનંતપુરમના મંદિરમાં પોતાની મરજીથી લગ્ન કર્યા છે.
કેરળ હાઈકોર્ટનો સ્ટે અને Monalisaની સુરક્ષાની માંગ
એમપી પોલીસ જ્યારે કેરળના કોચ્ચિ પહોંચી, ત્યારે મોનાલિસાએ(Monalisa) કેરળના મુખ્યમંત્રી અને પોલીસ કમિશનરને સુરક્ષા માટે પત્ર લખ્યો હતો. તેણે આક્ષેપ કર્યો હતો કે તેને પરાણે મધ્ય પ્રદેશ લઈ જવાનો પ્રયાસ થઈ શકે છે. દરમિયાન, કેરળ હાઈકોર્ટે પણ આ મામલે હસ્તક્ષેપ કરતા ફરમાન વિરુદ્ધના ધરપકડ વોરંટ પર 20 મે સુધી સ્ટે આપી દીધો છે. પોલીસ હવે ફરમાનના તે મિત્ર જોશુઆની પણ શોધ કરી રહી છે જેણે આ જોડીને આશરો આપવામાં મદદ કરી હતી.
