Entertainment News : નવા વર્ષ 2026નું આગમન થવાની તૈયારીમાં છે, અને આ વર્ષની શરૂઆત સિનેમા પ્રેમીઓ માટે ખૂબ જ ધમાકેદાર રહેવાની છે. જાન્યુઆરી મહિનો બોલિવૂડ અને સાઉથ ઇન્ડસ્ટ્રી માટે કોઈ યુદ્ધના મેદાનથી ઓછો નથી, કારણ કે એક પછી એક મોટી ફિલ્મો રિલીઝ થવા જઈ રહી છે. ચાલો નજર કરીએ જાન્યુઆરી 2026માં આવનારી મોટી ફિલ્મો (Movies)પર.
1 જાન્યુઆરી: ‘ઈક્કિસ’ – એક ભાવુક શરૂઆત
વર્ષના પહેલા જ દિવસે એટલે કે 1 જાન્યુઆરીએ ફિલ્મ ‘ઈક્કિસ’ (Ikkis) રિલીઝ થશે. આ ફિલ્મ (movie)દર્શકો માટે લાગણીશીલ છે કારણ કે ગત નવેમ્બરમાં દુનિયાને અલવિદા કહી ગયેલા દિગ્ગજ અભિનેતા ધર્મેન્દ્ર આ ફિલ્મમાં છેલ્લીવાર મોટા પડદા પર દેખાશે. ફિલ્મ (movie)માં અમિતાભ બચ્ચનના પૌત્ર અગસ્ત્ય નંદા મુખ્ય ભૂમિકામાં છે. આ ફિલ્મનું નિર્દેશન શ્રીરામ રાઘવને કર્યું છે, જેમણે અગાઉ ‘અંધાધૂન’ અને ‘બદલાપુર’ જેવી શ્રેષ્ઠ ફિલ્મો આપી છે. આ ફિલ્મ 1971ના યુદ્ધના હીરો અરુણ ખેતરપાલના જીવન પર આધારિત છે.
9 જાન્યુઆરી: પ્રભાસ Vs થલાપતિ વિજય
જાન્યુઆરીના બીજા અઠવાડિયે બોક્સ ઓફિસ પર સૌથી મોટો ક્લેશ જોવા મળશે. 9 જાન્યુઆરીએ સાઉથના બે સુપરસ્ટાર આમને-સામને હશે.
રાજા સાબ (The Raja Saab): ‘બાહુબલી’ અને ‘કલ્કી’ જેવી ફિલ્મો (Movies)બાદ પ્રભાસ હવે એક હોરર-કોમેડી ફિલ્મ (Movies) લઈને આવી રહ્યા છે. આ ફિલ્મ (Movies) માં તેમની સાથે સંજય દત્ત પણ જોવા મળશે. પ્રભાસ અને સંજય દત્તની જોડીને જોવા માટે ચાહકો ખૂબ ઉત્સાહિત છે.
જન નાયકન (Jana Nayakan): બીજી તરફ તમિલ સુપરસ્ટાર થલાપતિ વિજયની ફિલ્મ (Movies)’જન નાયકન’ પણ એ જ દિવસે રિલીઝ થઈ રહી છે. આ ફિલ્મ (Movies) ઐતિહાસિક માનવામાં આવે છે કારણ કે વિજયની આ છેલ્લી ફિલ્મ છે; ત્યારબાદ તેઓ પૂર્ણ સમય માટે રાજકારણમાં જોડાઈ જશે. આ ફિલ્મમાં વિલન તરીકે બોબી દેઓલ જોવા મળશે.
આ બંને ફિલ્મો (Movies)પાન-ઈન્ડિયા લેવલે રિલીઝ થઈ રહી હોવાથી, કોણ કોને પછાડશે તે જોવું રસપ્રદ રહેશે.
22 જાન્યુઆરી: ‘બોર્ડર 2’ સાથે સની દેઓલનું પુનરાગમન
મહિનાના અંતમાં દેશભક્તિનો માહોલ જોવા મળશે. 1998માં આવેલી આઈકોનિક ફિલ્મ ‘બોર્ડર’ની સિક્વલ ‘બોર્ડર 2’ 22 જાન્યુઆરીએ રિલીઝ થશે. ‘ગદર 2‘ની સફળતા બાદ સની દેઓલ ફરી એકવાર એક્શન મોડમાં છે. આ વખતે તેમની સાથે યુવા સ્ટાર્સ વરુણ ધવન અને દિલજીત દોસાંજ પણ સ્ક્રીન શેર કરશે. અનુરાગ સિંહ દ્વારા નિર્દેશિત આ ફિલ્મ પાસેથી દર્શકોને ઘણી અપેક્ષાઓ છે.
એકંદરે, જાન્યુઆરી 2026એ મનોરંજનનું પેકેજ સાબિત થશે. એક તરફ ધર્મેન્દ્રજીની યાદો છે, બીજી તરફ પ્રભાસ અને વિજયનું સ્ટારડમ છે અને ત્રીજી તરફ સની દેઓલનો દેશપ્રેમ છે. હવે આમાંથી કઈ ફિલ્મ બોક્સ ઓફિસનો ‘કિંગ’ બને છે તે તો સમય જ કહેશે.
આ પણ વાંચો:ઈદ 2026 પર આવશે ‘ધુરંધર 2’, પાંચ ભાષાઓમાં પેન-ઈન્ડિયા રિલીઝ
આ પણ વાંચો:ધુરંધર ફિલ્મ વિવાદમાં સપડાઈઃ બલોચ સમાજમાં આક્રોશ
આ પણ વાંચો:‘ધુરંધર’ ફિલ્મમાં અક્ષય ખન્નાના એન્ટ્રીસોન્ગ Fa9la ના દર્શકો બન્યા ક્રેઝી…!!
