વિશ્વ વિખ્યાત ઉદ્યોગપતિ મુકેશ અંબાણીના ઘરની બહાર મળી આવેલી શંકાસ્પદ કારના કારણે દેશભરમાં હંગામો મચી ગયો હતો. તાજેતરમાં જ આતંકવાદી સંગઠન જૈશ-ઉલ-હિંદે મુકેશ અંબાણીના ઘરની બહાર વિસ્ફોટક રાખવાની જવાબદારી સ્વીકારી હતી, પરંતુ હવે સંગઠને આ વાતનો ઇનકાર કર્યો છે અને એક નવો ખુલાસો કર્યો છે.
આતંકવાદી સંગઠન જૈશ-ઉલ-હિંદે સોશિયલ મીડિયા પર એક પોસ્ટ શેર કરીને લખ્યું છે કે તેણે ક્યારેય મુકેશ અંબાણીને ધમકી આપી નથી. સંગઠને કહ્યું કે તેમના નામે જે પત્ર વાયરલ થઈ રહ્યો છે તે બનાવટી છે. સંગઠને કહ્યું કે તેની લડત નરેન્દ્ર મોદી સાથે છે, અંબાણી સાથે નથી.
Election / શહેર બાદ ગામડાઓમાં પણ કોંગ્રેસનો કરુણ રકાસ
સંગઠને વધુમાં કહ્યું હતું કે, ભારતીય મીડિયા એવા સમાચાર ચલાવે છે કે, જૈશ-ઉલ-હિંદે મુકેશ અંબાણીના ઘરે વિસ્ફોટક રાખવાની જવાબદારી લીધી છે. પરંતુ અમે તે સ્પષ્ટ કરવા માંગીએ છીએ કે અમારી સંસ્થાને આ મામલે કોઈ લેવાદેવા નથી.
Politics / કોંગ્રેસ મુસ્લિમોની નહીં પરંતુ પારિવારિક પાર્ટી છે :સંબિત પાત્રા
શું છે આખો મામલો
25 ફેબ્રુઆરીએ મુકેશ અંબાણીના નિવાસસ્થાન એન્ટિલિયાની બહાર એક શંકાસ્પદ કાર અને 20 જિલેટીન સ્ટીક મળી આવી હતી. બુધવારે રાત્રે 1 વાગ્યાની આસપાસ સ્કોર્પિયો પાર્ક કરવામાં આવી હતી. સીસીટીવી ફૂટેજમાં ઇનોવા સહિત ઘરની બહાર બે વાહનો દર્શાવવામાં આવ્યા હતા. વાહન ચાલક એન્ટિલીયાની બહાર કાર પાર્ક કરી ચાલ્યો ગયો હતો. સ્થાનિક પોલીસને આ વાતની જાણકારી સુરક્ષા કર્મીઓ દ્વારા મળી હતી. આ પછી, મુંબઈ પોલીસે આ કેસની તપાસ શરૂ કરી હતી.
ધમકીભર્યો પત્ર
સૂત્રોના જણાવ્યા અનુસાર આ શંકાસ્પદ કારમાંથી એક પત્ર પણ મળી આવ્યો હતો, જે હાથથી લખેલ હતો. સૂત્રોએ કહ્યું હતું કે પત્રમાં લખ્યું છે કે, “આ ફક્ત ટ્રેલર છે.” નીતા ભાભી, મુકેશ ભાઈ, આ તો એક ઝલક છે. આગલી વખતે સામગ્રી તમારી પાસે આવશે અને આખી વ્યવસ્થા થઈ ગઈ છે. ‘
