ઈન્ડિયન પ્રીમિયર લીગ (IPL) 2022માં મુંબઈ ઈન્ડિયન્સ (MI)ના ખરાબ દિવસો ખતમ થવાનું નામ નથી લઈ રહ્યા. ટીમે અત્યાર સુધી 8 મેચ રમી છે અને તમામ મેચમાં હારનો સામનો કરવો પડ્યો છે. રોહિત શર્માની કપ્તાનીવાળી મુંબઈની ટીમ આ સિઝનમાં અત્યાર સુધી જીતનું ખાતું ખોલાવી શકી નથી.
સતત 8 હાર સાથે મુંબઈની ટીમે IPL ઈતિહાસમાં નવો રેકોર્ડ બનાવ્યો છે. આ ટીમ ટૂર્નામેન્ટમાં અત્યાર સુધી સતત 8 મેચ હારનારી પ્રથમ ટીમ બની છે. અત્યાર સુધી કોઈપણ ટીમ સતત આટલી મેચો હારી નથી. આ પહેલા 10 વખત આવું બન્યું છે, કોઈ ટીમ સતત 7 મેચ હારી છે.
જો આપણે સતત સૌથી વધુ મેચ હારવાની વાત કરીએ તો આ મામલામાં પણ મુંબઈ ટોપ પર છે. મુંબઈ ઈન્ડિયન્સ પછી દિલ્હી ડેરડેવિલ્સ અને રોયલ ચેલેન્જર્સ બેંગ્લોરનો નંબર આવે છે, જેઓ સતત 6 મેચ હારી ચૂક્યા છે. દિલ્હીએ 2013ની સિઝનમાં અને 2019ની સિઝનમાં બેંગ્લોરની ટીમે આ અનિચ્છનીય રેકોર્ડ બનાવ્યો હતો.
રોહિતની કેપ્ટનશિપવાળી મુંબઈની ટીમે હવે 6 વધુ મેચ રમવાની છે. આ મેચ રાજસ્થાન રોયલ્સ, ગુજરાત ટાઇટન્સ, કોલકાતા નાઈટ રાઈડર્સ, ચેન્નાઈ સુપર કિંગ્સ, સનરાઈઝર્સ હૈદરાબાદ અને દિલ્હી કેપિટલ્સ સામે રમવાની છે.
મુંબઈની ટીમે રવિવારે લખનૌ સુપર જાયન્ટ્સ સામે છેલ્લી મેચ રમી હતી જેમાં 36 રનથી હારનો સામનો કરવો પડ્યો હતો. મેચમાં ટોસ હાર્યા બાદ પ્રથમ બેટિંગ કરતા લખનૌની ટીમે 6 વિકેટે 168 રન બનાવ્યા હતા. કેપ્ટન કેએલ રાહુલે 62 બોલમાં 103 રનની ઇનિંગ રમી હતી. જવાબમાં મુંબઈની ટીમ 8 વિકેટે 132 રન જ બનાવી શકી હતી. કેપ્ટન રોહિત શર્માએ 39 અને તિલક વર્માએ 38 રન બનાવ્યા.લાઈવ ટીવી
