એનસીબીના ઝોનલ ડિરેક્ટર સમીર વાનખેડે સોમવારે મહારાષ્ટ્રના ડીજીપીને મળ્યા હતા. વાનખેડેએ આક્ષેપ કર્યો હતો કે મુંબઈ પોલીસના કેટલાક અધિકારીઓ મારી પાછળ આવી રહ્યા છે અને વોચ રાખી રહ્યા છે. વાનખેડે ક્રુઝ શિપમાંથી મળેલા માદક પદાર્થોની તપાસ કરી રહ્યા છે, જેના કારણે બોલીવુડના પ્રખ્યાત અભિનેતા શાહરૂખ ખાનના પુત્ર આર્યન ખાનની ધરપકડ કરવામાં આવી હતી.
મીડિયા અહેવાલો અનુસાર વાનખેડેએ આરોપ લગાવ્યો છે કે મુંબઈ પોલીસના કેટલાક અધિકારીઓ મારી જાસૂસી કરી રહ્યા છે. સમીર વાનખેડેએ ભૂતકાળમાં મુંબઈથી ગોવા જતા ક્રુઝ શિપ પર દરોડા પાડ્યા હતા. આ દરમિયાન, અહીંથી મોટા પ્રમાણમાં માદક દ્રવ્યો મળી આવ્યા હતા અને આ કેસમાં આર્યન ખાન સહિત એક ડઝનથી વધુ લોકોની ધરપકડ પણ કરવામાં આવી હતી.
