Kheda News: નડિયાદ-અમદાવાદ સ્ટેટ હાઇવે પર દેવકી વણસોલ ગામના પાટિયા નજીક અચાનક મોટો ભૂવો (Highway Sinkhole) પડતાં વાહનચાલકોમાં ચિંતા ફેલાઈ છે. વ્યસ્ત હાઇવે પર રોડનો એક ભાગ ધસી પડતાં વાહન વ્યવહાર માટે જોખમી સ્થિતિ સર્જાઈ હતી. ઘટનાને પગલે તંત્ર દ્વારા સાવચેતીના પગલાં લેવામાં આવ્યા છે અને રસ્તાની એક સાઇડ બંધ કરીને સમારકામની કામગીરી શરૂ કરવામાં આવી છે.

Highway Sinkhole: દેવકી વણસોલ પાટિયા પાસે અંદાજે 10 ફૂટ ઊંડો ભૂવો

મળતી માહિતી મુજબ, દેવકી વણસોલ ગામના પાટિયા નજીક ( Devki Vansol Patiya) હાઇવે પર અચાનક જમીન ધસી પડતાં અંદાજે 10 ફૂટ જેટલો ઊંડો ભૂવો સર્જાયો હતો. હાઇવે પર ભૂવો પડતાં અહીંથી પસાર થતા વાહનચાલકોમાં ભયનો માહોલ જોવા મળ્યો હતો. વ્યસ્ત માર્ગ પર આ પ્રકારની ઘટના સર્જાતા મોટી દુર્ઘટનાની શક્યતાને ધ્યાનમાં રાખીને તાત્કાલિક કાર્યવાહી કરવામાં આવી હતી.

પાણીની પાઇપ લીકેજના દ્રશ્યો સામે આવ્યા

ભૂવાના સ્થળે પાણીની પાઇપ લીકેજ હોવાના દ્રશ્યો પણ સામે આવ્યા હોવાનું જણાવવામાં આવ્યું છે. સતત પાણીના પ્રવાહને કારણે રોડની નીચેની જમીન ધસી પડી હોવાની શક્યતા વ્યક્ત કરવામાં આવી રહી છે. જોકે, ભૂવો પડવાનું ચોક્કસ કારણ તપાસ અને ટેકનિકલ ચકાસણી બાદ જ સ્પષ્ટ થઈ શકશે.

રસ્તાની એક સાઇડ બંધ, વાહનચાલકોને હાલાકી

ભૂવો પડ્યા બાદ સુરક્ષાના ભાગરૂપે હાઇવેની એક સાઇડ બંધ (Road Collapse Gujarat) કરવામાં આવી છે. જેના કારણે આ માર્ગ પરથી પસાર થતા વાહનચાલકોને ટ્રાફિક અને અવરજવરમાં મુશ્કેલીનો સામનો કરવો પડી રહ્યો છે. સ્થળ પર જરૂરી બેરિકેડિંગ કરીને વાહનોને સાવચેતીપૂર્વક પસાર કરવામાં આવી રહ્યા છે.

R&B વિભાગે JCB સાથે શરૂ કરી કામગીરી

ઘટનાની જાણ થતાં તાત્કાલિક માર્ગ- મકાન વિભાગની ટીમ ઘટનાસ્થળે પહોંચી હતી. JCB સહિતના સાધનો સાથે ભૂવાના સ્થળે સમારકામ અને તપાસની કામગીરી શરૂ કરવામાં આવી છે. રોડની નીચેનો ભાગ કેટલો અસરગ્રસ્ત થયો છે તેની ચકાસણી બાદ જરૂરી રિપેરિંગ કરવામાં આવશે.

વ્યસ્ત નડિયાદ-અમદાવાદ હાઇવે પર (Nadiad Ahmedabad Highway) અચાનક ભૂવો પડતાં રોડની જાળવણી અને સુરક્ષાને લઈને પણ સવાલો ઊભા થયા છે. હાલમાં તંત્ર દ્વારા સ્થળની સ્થિતિ પર નજર રાખવામાં આવી રહી છે. સમારકામ પૂર્ણ થયા બાદ જ બંધ કરાયેલી સાઇડ ફરી વાહન વ્યવહાર માટે ખુલ્લી મુકવામાં આવશે.

આ પણ વાંચો: રાજકોટ-મેટોડા માર્ગ પર ટ્રાફિકમાંથી મળશે રાહત: વાગુદડ પાસે રૂ.2 કરોડના ખર્ચે નવા બ્રિજનું કામ પૂરજોશમાં

આ પણ વાંચો: સાવરકર મુદ્દે કેરળના શિક્ષકનું સસ્પેન્શન, પાટણમાં શિક્ષકોનો વિરોધ, શૈક્ષિક મહાસંઘે કલેક્ટરને આવેદન આપ્યું

આ પણ વાંચો: સુરતમાં એમ્બ્રોઈડરી વર્કર્સનો વિરોધ ઉગ્ર: પોલીસ પર પથ્થરમારો બાદ લાઠીચાર્જ, રાયોટિંગનો ગુનો