CJI Controversy BCI Manan Mishra Reaction: હૈદરાબાદની NALSAR યુનિવર્સિટી ઓફ લો અને ભારતના મુખ્ય ન્યાયાધીશ એટલે કે CJI જસ્ટિસ સૂર્યકાંતને લઈને ચાલી રહેલા વિવાદ વચ્ચે બાર કાઉન્સિલ ઓફ ઈન્ડિયા (BCI)ના ચેરમેન મનન કુમાર મિશ્રાનું (Manan Mishra)નિવેદન સામે આવ્યું છે. આ સમગ્ર વિવાદની શરૂઆત ત્યારે થઈ જ્યારે NALSARના 2026 બેચના વિદ્યાર્થીઓએ યુનિવર્સિટીના દીક્ષાંત સમારોહમાં CJI સૂર્યકાંતને મુખ્ય અતિથિ બનાવવાના નિર્ણય સામે વિરોધ નોંધાવ્યો હતો. આ વિરોધ બાદ BCI દ્વારા તમામ રાજ્ય બાર કાઉન્સિલોને NALSARના 2026 બેચના વિદ્યાર્થીઓના વકીલ તરીકેના નામ નોંધણી પ્રક્રિયા અંગે એક આદેશ આપવામાં આવ્યો હતો. આ નિર્ણયને કારણે સમગ્ર મામલો વધુ ચર્ચામાં આવ્યો હતો.
#BREAKING BCI Chairperson Manan Kumar Mishra says that no student who graduated from NALSAR University of Law will be enrolled until further orders from Bar Council of India.
BCI Chairman seeks report from NALSAR on students who mobilised a campaign to not invite CJI Surya Kant… pic.twitter.com/NH20kAvREA
— Live Law (@LiveLawIndia) August 13, 2026
CJPની પોસ્ટ પર BCI ચેરમેન Manan Mishraની પ્રતિક્રિયા
આ દરમિયાન ‘કોકરોચ જનતા પાર્ટી’ એટલે કે CJPના સ્થાપક અભિજીત દીપકેએ સોશિયલ મીડિયા પર એક પોસ્ટ કરી હતી. આ પોસ્ટના જવાબમાં BCI ચેરમેન મનન કુમાર મિશ્રાએ(Manan Mishra) કહ્યું કે વિદ્યાર્થીઓના હકોની રક્ષા કરવાના મામલે CJP અને BCIના હિતો એકસરખા છે. તેમણે સ્પષ્ટ કર્યું કે BCIનો હેતુ કોઈ વિદ્યાર્થીને નુકસાન પહોંચાડવાનો નથી, પરંતુ કાયદાના વિદ્યાર્થીઓને તેમના અભ્યાસ અને વ્યાવસાયિક કારકિર્દીમાં કોઈ મુશ્કેલી ન પડે તે સુનિશ્ચિત કરવાનો છે.
BCIએ અગાઉનો આદેશ પાછો ખેંચ્યો
વિવાદ વધ્યા બાદ BCIએ પોતાના અગાઉના નિર્ણયમાં ફેરફાર કર્યો. હવે NALSARના 2026 બેચના વિદ્યાર્થીઓ કોઈપણ રાજ્ય બાર કાઉન્સિલમાં વકીલ તરીકે નોંધણી કરાવી શકશે. BCI તરફથી કહેવામાં આવ્યું કે મોટા ભાગના વિદ્યાર્થીઓ સમગ્ર મામલામાં નિર્દોષ છે અને તેમના ભવિષ્યને કોઈ પ્રકારનું નુકસાન થવું જોઈએ નહીં.
#WATCH | Delhi | Chairman, Bar Council of India and MP, Manan Kumar Mishra says, “The Bar Council of India aims to protect the interests of the youth of India. I want to communicate to Abhijeet Dipke and Das (Sourav Das) that our interests are the same as theirs, to protect the… pic.twitter.com/NEFQCwij6g
— ANI (@ANI) August 14, 2026
ન્યાયિક ઇન્ટર્નશિપ અંગે પણ સ્પષ્ટતા
મનન કુમાર મિશ્રાએ(Manan Mishra) ન્યાયિક ઇન્ટર્નશિપ અંગે અગાઉ બહાર પાડવામાં આવેલા આદેશ અંગે પણ સ્પષ્ટતા કરી. તેમણે જણાવ્યું કે આ મુદ્દે તાત્કાલિક બેઠક બોલાવવામાં આવી હતી અને ચર્ચા બાદ આદેશ પાછો ખેંચી લેવામાં આવ્યો છે. તેમના જણાવ્યા મુજબ, કાયદાના વિદ્યાર્થીઓને ન્યાયિક ઇન્ટર્નશિપ મેળવવામાં કોઈ અડચણ ન આવે તે BCIની મુખ્ય ચિંતાઓમાંથી એક છે.
BCI ચેરમેનના આ નિવેદન અને આદેશમાં કરવામાં આવેલા ફેરફાર બાદ NALSARના વિદ્યાર્થીઓને હાલ મોટી રાહત મળી છે. જોકે, CJIના દીક્ષાંત સમારોહને લઈને ઊભો થયેલો મૂળ વિવાદ હજુ પણ ચર્ચામાં છે.
