Narmada News: નર્મદા જિલ્લાના સાગબારા વિસ્તારમાં જંગલ જમીનના ખેડાણના મુદ્દે શરૂ થયેલું આંદોલન (Sagbara Forest Land Protest) ચોથા દિવસે પણ યથાવત રહ્યું છે. ગ્રામજનો દ્વારા જંગલ જમીનના મુદ્દે ધરણાં કરવામાં આવી રહ્યા છે અને સરકાર વહેલી તકે નિર્ણય લે તેવી માંગ કરવામાં આવી રહી છે. આંદોલન દરમિયાન લીલા વસાવા છેલ્લા ચાર દિવસથી અન્નત્યાગ પર બેઠા હોવાનું સામે આવ્યું છે. જંગલ જમીન સાથે જોડાયેલા પ્રશ્નનો તાત્કાલિક ઉકેલ લાવવા માટે આંદોલનકારીઓ દ્વારા સરકાર સમક્ષ રજૂઆત કરવામાં આવી રહી છે.

ધારાસભ્ય દર્શના દેશમુખે ધરણાસ્થળે મુલાકાત લીધી

સાગબારામાં ચાલી રહેલા આંદોલન (Sagbara Forest Land Protest) વચ્ચે ધારાસભ્ય દર્શના દેશમુખે ધરણાસ્થળે પહોંચીને આંદોલનકારીઓ અને ગ્રામજનો સાથે મુલાકાત કરી હતી. તેમણે સમગ્ર મુદ્દા અંગે તેમની રજૂઆત સાંભળી હતી.ધારાસભ્યએ ગ્રામજનોને આ મુદ્દે યોગ્ય રજૂઆત કરવાની અને તેમની સમસ્યાના ઉકેલ માટે પ્રયાસ કરવાની ખાતરી આપી હતી.

મુખ્યમંત્રી સાથે ફરી મુલાકાતની વાત

ધારાસભ્ય દર્શના દેશમુખે જણાવ્યું હતું કે જંગલ જમીનના મુદ્દે તેઓ મુખ્યમંત્રી સાથે ફરી મુલાકાત કરશે અને ગ્રામજનોની રજૂઆત સરકાર સુધી પહોંચાડશે.ધારાસભ્યએ ટૂંક સમયમાં આ મામલે નિવેડો આવે તેવી આશા પણ વ્યક્ત કરી હતી.

Sagbara Forest Land Protest: સરકાર વહેલી તકે નિર્ણય લે તેવી માંગ

ધરણાં પર બેઠેલા આંદોલનકારીઓ અને ગ્રામજનોની મુખ્ય માંગ જંગલ જમીનના ખેડાણ સાથે જોડાયેલા પ્રશ્નનો વહેલી તકે ઉકેલ લાવવાની છે. ચાર દિવસથી ચાલી રહેલા આંદોલન (Sagbara Forest Land Protest)ને પગલે હવે સરકાર દ્વારા શું નિર્ણય લેવામાં આવે છે તેના પર સૌની નજર છે.આંદોલનકારીઓએ સરકાર સમક્ષ તાત્કાલિક નિર્ણય લેવાની માંગ કરી છે, જ્યારે ધારાસભ્ય દ્વારા પણ આ મુદ્દે સરકાર સાથે ફરી ચર્ચા કરવાની ખાતરી આપવામાં આવી છે.

આ પણ વાંચો:સાગબારામાં જંગલ જમીનના હક્ક માટે 300થી વધુ ખેડૂતોના ધરણાં, મનસુખ વસાવાની CM સાથે મુલાકાત

આ પણ વાંચો:સાગબારામાં જંગલ જમીન વિવાદ ઉગ્ર, મોટી સંખ્યામાં આદિવાસીઓ એકત્ર

આ પણ વાંચો:નર્મદામાં જંગલ જમીનના ખેડાણ મુદ્દે તણાવ, ગ્રામજનો અને વન વિભાગ આમને-સામને