Jamnagar News: જામનગર જિલ્લામાં ચાંદીપુરા વાયરસનો (Chandipura Virus Jamnagar) પ્રથમ પોઝિટિવ કેસ સામે આવ્યો છે. ધ્રોલ તાલુકાના રાજપરા ગામના (Rajpara Village) ત્રણ વર્ષના બાળકનો ચાંદીપુરા વાયરસનો રિપોર્ટ પોઝિટિવ આવ્યો હતો. સારવાર દરમિયાન બાળકનું દુઃખદ મોત થતાં જિલ્લામાં ચિંતા વધી છે. કેસની પુષ્ટિ બાદ આરોગ્ય વિભાગે અસરગ્રસ્ત વિસ્તારમાં સર્વેલન્સ અને રોગ નિયંત્રણની કામગીરી તેજ કરી છે.
Chandipura Virus Jamnagar: જી.જી. હોસ્પિટલમાં 12 શંકાસ્પદ કેસ નોંધાયા
જામનગરની જી.જી. હોસ્પિટલમાં અત્યાર સુધી ચાંદીપુરા વાયરસના કુલ 12 શંકાસ્પદ કેસ નોંધાયા હતા. તમામ દર્દીઓના સેમ્પલ તપાસ માટે મોકલવામાં આવ્યા હતા. તેમાંથી 11 રિપોર્ટ જાહેર થયા છે, જેમાં 10 દર્દીઓના રિપોર્ટ નેગેટિવ આવ્યા છે, જ્યારે ધ્રોલના ત્રણ વર્ષના બાળકનો રિપોર્ટ પોઝિટિવ (Chandipura Positive Case) આવ્યો છે. હજુ એક શંકાસ્પદ દર્દીના રિપોર્ટની રાહ જોવાઈ રહી છે.
8 દર્દીઓના મોત, મોટાભાગના રિપોર્ટ નેગેટિવ
જી.જી. હોસ્પિટલમાં (GG Hospital Jamnagar) નોંધાયેલા 12 શંકાસ્પદ કેસમાંથી અત્યાર સુધીમાં 8 દર્દીઓના મોત થયા છે. જોકે, આ 8 મૃતકોમાંથી 7ના ચાંદીપુરા રિપોર્ટ નેગેટિવ આવ્યા હોવાનું તંત્રએ જણાવ્યું છે. માત્ર ધ્રોલના બાળકનો રિપોર્ટ પોઝિટિવ આવ્યો છે.
બે શંકાસ્પદ દર્દીઓ સારવાર હેઠળ
હાલ જી.જી. હોસ્પિટલમાં ચાંદીપુરાના બે શંકાસ્પદ દર્દીઓ સારવાર હેઠળ હોવાનું જાણવા મળ્યું છે. તબીબી તંત્રના જણાવ્યા મુજબ બંને દર્દીઓની હાલત સ્થિર છે અને તેમના સ્વાસ્થ્ય પર સતત નજર રાખવામાં આવી રહી છે.
આરોગ્ય વિભાગે સર્વેલન્સ અને ફોગિંગ વધાર્યું
પ્રથમ પોઝિટિવ કેસ સામે આવ્યા બાદ જામનગર જિલ્લા આરોગ્ય વિભાગ સતર્ક બન્યો છે. જિલ્લા આરોગ્ય અધિકારી પંકજકુમારના જણાવ્યા મુજબ અસરગ્રસ્ત વિસ્તારમાં આરોગ્ય વિભાગની ટીમો દ્વારા સઘન સર્વે હાથ ધરવામાં આવ્યો છે. સાથે જ ફોગિંગ અને સેન્ડફ્લાયના નિયંત્રણ માટે ડસ્ટિંગની કામગીરી પણ શરૂ કરવામાં આવી છે.
આરોગ્ય ટીમોને એલર્ટ રહેવા સૂચના
ગ્રામીણ તેમજ શહેરી વિસ્તારોમાં ચાંદીપુરા વાયરસ અંગે લોકોને જાગૃત કરવામાં આવી રહ્યા છે. આરોગ્ય વિભાગ દ્વારા તબીબી ટીમોને પણ સાવચેત રહેવા અને શંકાસ્પદ લક્ષણો ધરાવતા બાળકો પર નજર રાખવા સૂચના આપવામાં આવી છે.
બાળકોમાં લક્ષણો દેખાય તો તાત્કાલિક સારવાર જરૂરી
આરોગ્ય વિભાગે લોકોને અપીલ કરી છે કે નાના બાળકને અચાનક તીવ્ર તાવ, ઉલટી, ચક્કર અથવા બેભાન જેવી તકલીફ જણાય તો વિલંબ કર્યા વગર નજીકની સરકારી આરોગ્ય સંસ્થા અથવા જી.જી. હોસ્પિટલમાં તબીબી સારવાર લેવી. સમયસર તબીબી તપાસ અને સારવાર મળે તે માટે તંત્ર દ્વારા પણ લોકોને સાવચેત રહેવા અપીલ કરવામાં આવી છે.
આ પણ વાંચો: રાજ્યમાં ચાંદીપુરાનો કહેર યથાવત, જામનગરમાં એક જ દિવસમાં 3 બાળકોના મોત
આ પણ વાંચો: ચાંદીપુરા વાયરસ સામે રસી ક્યારે? સંસદમાં સાંસદ બાબુભાઈ દેસાઈએ ઉઠાવ્યો ગંભીર મુદ્દો
આ પણ વાંચો: રાજકોટ સિવિલ હોસ્પિટલમાં ચાંદીપુરા સામે જીત: 3 માસની બાળકી 17 દિવસ બાદ સ્વસ્થ થઈ ડિસ્ચાર્જ
