રક્ષાબંધનના તહેવાર પર બહેનો ભાઈઓ તરફથી મળતી ભેટ ની ઉત્સુકતાથી રાહ જોતી હોય છે. કર્ણાટકના બેલગામમાં પણ ભાઈઓએ પોતાની બહેનોને આ મોકા પર એક અનોખી ગિફ્ટ આપી છે. રવિવારે બેલગામમાં રક્ષાબંધનનું પર્વ ધૂમધામથી માનવામાં આવ્યું હતું.
અહીં ભાઈઓએ બહેનોને સાડી, ઘરેણાં અથવા પૈસા આપવાની બદલે ટોયલેટ ભેટ કર્યા હતા. આ આઈડિયા બેલગામ જિલ્લા પરિષદના સીઈઓ આર. રામચંદ્રાનનો હતો. રામચંદ્રને વિસ્તારના પુરુષોને જાગરૂક કર્યા અને એમને આઈડિયા આપ્યો કે આ વર્ષે રક્ષાબંધન પર બહેનોને ટોયલેટ ગિફ્ટ આપે. જે હાલ સુધી ખુલ્લામાં શૌચ જવા મજબુર છે.
આ પગલું રંગ લાવ્યું અને રવિવારે રક્ષાબંધનના મોકા પર લગભગ 2400 ટોયલેટ ગિફ્ટ કરવામાં આવ્યા. બહેનોએ પણ આ ટોયલેટ સામે ભાઈઓની કલાઈ પર રાખડી બાંધી અને આ ક્ષણને કેમેરામાં કેદ કરી.
બેલગામ જિલ્લા પારિષદે સામાન્ય વર્ગ માટે 12 હજાર રૂપિયા અને એસસી/એસટી માટે 15 હજાર રૂપિયા પાસ કર્યા હતા. કેટલાક ભાઈઓએ પોતાના પૈસા પણ નાખ્યા અને આ ખાસ મોકા માટે ખાસ ભેટ તૈયાર કરી.
આ અનોખા આઇડિયાની ચર્ચા આખા જિલ્લામાં થઇ રહી છે. ગામવાળાને આશા છે કે બાકી લોકો પણ એમના પરિવારને સારા સ્વાસ્થ્ય અને સાફ સફાઈની આ ગિફ્ટ જરૂર આપશે.
