Bollywood News 2026: સલમાન ખાન સાથે ‘જય હો’ જેવી ફિલ્મમાં કામ કરી ચૂકેલી જાણીતી અભિનેત્રી નૌહીદ સેરુસીએ હાલમાં સોશિયલ મીડિયા પર એક ચોંકાવનારો ખુલાસો કર્યો છે. વર્ષો સુધી મ્યુઝિક આલ્બમ અને ફિલ્મોમાં સક્રિય રહેલી આ અભિનેત્રીએ જણાવ્યું છે કે તેને ફિલ્મોમાં કામ કેમ નથી મળી રહ્યું.

Nauheed Cyrusi નો સોશિયલ મીડિયા પર ધડાકો

નૌહીદ સેરુસી (Nauheed Cyrusi) અત્યારે ફિલ્મો કરતાં સોશિયલ મીડિયા ઇન્ફ્લુએન્સર તરીકે વધુ એક્ટિવ છે. તાજેતરમાં જ ઇન્સ્ટાગ્રામ પર એક ચાહકે તેને તેના આગામી પ્રોજેક્ટ વિશે પૂછ્યું હતું, જેના જવાબમાં તેણે ઇન્ડસ્ટ્રીની કડવી વાસ્તવિકતા જણાવી હતી:

નૌહીદના (Nauheed Cyrusi) જણાવ્યા મુજબ, હવે ફિલ્મો કે વેબ સિરીઝના કોન્ટ્રાક્ટમાં એક ખાસ શરત હોય છે, જેમાં અભિનેત્રીએ ઓન-સ્ક્રીન કિસિંગ અને ઈન્ટિમેટ સીન કરવા માટે સંમત થવું પડે છે.

અભિનેત્રીએ સ્પષ્ટ કર્યું કે તે ઓન-સ્ક્રીન આવા સીન કરવા માટે કમ્ફર્ટેબલ નથી. આ શરત ન માનવાને કારણે તેને અનેક રોલમાંથી હટાવી દેવામાં આવે છે અથવા નવો રોલ મળતો નથી.

તેણે ઉમેર્યું કે હવે તો વાર્તામાં જરૂર ન હોય ત્યાં પણ ખોટી રીતે કિસિંગ સીન જોડી દેવામાં આવે છે, જે તેને બિલકુલ પસંદ નથી.

પેમેન્ટ મુદ્દે પણ લગાવ્યા ગંભીર આરોપ

માત્ર કામના પ્રકાર જ નહીં, પણ નૌહીદે આર્થિક શોષણ વિશે પણ વાત કરી હતી:

તેણે જણાવ્યું કે ઘણીવાર પ્રોડ્યુસરો તેની ફીના 25% જેટલા પૈસા કાપી લે છે.

જ્યારે તે મહેનતાણાની વાત કરે છે, ત્યારે પ્રોડ્યુસર એવું બહાનું કાઢે છે કે ‘ફિલ્મે સારું પ્રદર્શન નથી કર્યું’ અથવા ‘ફિલ્મ ફ્લોપ ગઈ છે’, એમ કહીને પૂરા પૈસા આપતા નથી.

નૌહીદ સેરુસીની અત્યાર સુધીની સફર

નૌહીદ સેરુસીએ (Nauheed Cyrusi) તેના કરિયરની શરૂઆત વર્ષ 2003 માં કરી હતી. તે તેના સુપરહિટ મ્યુઝિક આલ્બમ ‘પિયા બસંતી રે’ થી દેશભરમાં જાણીતી થઈ હતી. તેણે બોલિવૂડમાં ‘અનવર’, ‘ભૂતનાથ’, ‘કુરબાન’ અને ‘જય હો’ જેવી મોટી ફિલ્મોમાં કામ કર્યું છે. હાલમાં તે ફિલ્મોથી દૂર રહીને સોશિયલ મીડિયા પર પોતાના ચાહકો સાથે જોડાયેલી રહે છે.

આ પણ વાંચો: આ મ્યુઝિક શો છે, કોઈ પોલિટિકલ અખાડો નહીં’ – કેનેડામાં દિલજીતે ખાલિસ્તાનીઓને સ્ટેજ પરથી ખખડાવ્યા

આ પણ વાંચો: વિજયની જીત બાદ ઘરે પહોંચી ત્રિશા, એક્ટરે ગર્લફ્રેન્ડને બર્થડે પર શું ગિફ્ટ આપ્યું? જાણો છૂટાછેડાનું સત્ય