માનસેરા સીટ પરથી હાર્યા નવાઝ શરીફ, પીએમ પદના સૌથી મોટા દાવેદાર છે

pakistan election/ માનસેરા સીટ પરથી હાર્યા નવાઝ શરીફ, પીએમ પદના સૌથી મોટા દાવેદાર છે

નવાઝ શરીફ માનસેહરા બેઠક પરથી ચૂંટણી હારી ગયા છે. અપક્ષ ઉમેદવાર શાહજાદા ગસ્તાસપે તેમને કારમી હાર આપી હતી. શાહજાદા ગસ્તાસપને 74,713 વોટ મળ્યા જ્યારે નવાઝને 63,054 વોટથી સંતોષ માનવો પડ્યો. પાકિસ્તાનમાં નેશનલ એસેમ્બલી અને પ્રાંતીય ચૂંટણીઓ માટે મતદાન સમાપ્ત થયા બાદ મતગણતરી ચાલુ છે. જોકે, સત્તાવાર પરિણામો આજે એટલે કે 9મી ફેબ્રુઆરી સુધીમાં જ આવવાની ધારણા છે. માનસેરાને પાકિસ્તાન મુસ્લિમ લીગ-નવાઝનો ગઢ માનવામાં આવે છે. આમ છતાં તેને હારનો સામનો કરવો પડ્યો હતો. જો કે માનશેરા સિવાય નવાઝ શરીફે લાહોરથી પોતાનો દાવો રજૂ કર્યો છે.

જાણકારી અનુસાર, ઈમરાન ખાનની પાર્ટીના ઉમેદવાર 154 સીટો પર આગળ છે, જ્યારે નવાઝ શરીફની પાર્ટી PML(N) અને બિલાવલ ભુટ્ટોની પાર્ટી PPP 47-47 સીટો પર આગળ છે. ચાર બેઠકો પર અન્ય પક્ષોના ઉમેદવારો આગળ ચાલી રહ્યા છે. ઈમરાન ખાનની પાર્ટીના અધ્યક્ષ બેરિસ્ટર ગૌહર અલી ખાને દાવો કર્યો છે કે તેમની પાર્ટી સરકાર બનાવવાનો દાવો રજૂ કરશે.

મરિયમ નવાઝે દાવો કર્યો, કહ્યું ‘સરકાર અમારી હશે

બીજી તરફ પીએમએલ-એન એટલે કે નવાઝ શરીફની પાર્ટીની જીત અંગે નવાઝની પુત્રી મરિયમ ઔરંગઝેબે દાવો કર્યો હતો કે પંજાબ પ્રાંતની સાથે કેન્દ્રમાં અમારી સરકાર બનશે. આ સાથે લોકસેવાના નવા યુગની શરૂઆત થશે. તેમણે કહ્યું કે મોબાઈલ સેવા અને ઈન્ટરનેટ સેવા બંધ છે તેથી પરિણામ આવવામાં વિલંબ થઈ રહ્યો છે. પરંતુ પીએમએલ-એનની સ્થિતિ મજબૂત છે.

અત્યાર સુધી માત્ર 8 પરિણામો જાહેર થયા છે

મતદાન મથકો બંધ થયાના 13 કલાકથી વધુ સમય પછી, પાકિસ્તાનનું ચૂંટણી પંચ (ECP) માત્ર આઠ નેશનલ એસેમ્બલીના પરિણામો જાહેર કરી શક્યું છે. સવારે 6 વાગ્યાના ટ્રેન્ડ મુજબ, આઠમાંથી ત્રણ બેઠકો પીટીઆઈ સાથે જોડાયેલા ઉમેદવારોએ જીતી છે. અગાઉ, ગઈકાલે સાંજથી પાકિસ્તાનમાં ઇન્ટરનેટ લગભગ બંધ થઈ ગયું હતું, જે આજે સવારે 2 વાગ્યાની આસપાસ પુનઃસ્થાપિત કરવામાં આવ્યું હતું. મીડિયા દ્વારા દેખાડવામાં આવતા પરિણામો પણ બંધ કરી દેવામાં આવ્યા છે. આ બધું ત્યારે થયું છે જ્યારે જેલમાં બંધ ઈમરાન ખાનની પાર્ટીના સમર્થિત ઉમેદવારોએ લીડ મેળવવાનું શરૂ કર્યું છે.

ઈમરાનના ઉમેદવારો જીત્યા, તેથી પરિણામોમાં વિલંબઃ પીટીઆઈનો દાવો

ઈમરાનની પાર્ટી પીટીઆઈના કાર્યકર્તાઓએ દાવો કર્યો છે કે પરિણામોમાં વિલંબ થઈ રહ્યો છે કારણ કે તેમની પાર્ટીના ઉમેદવારો જીતી રહ્યા છે. પીટીઆઈના ઓમરી અયુબના જણાવ્યા અનુસાર, ઘણા રિટર્નિંગ ઓફિસરોની ઓફિસની સ્ક્રીનો બંધ કરી દેવામાં આવી છે.