World News: નવું વર્ષ પહેલા જ દિવસે રેકોર્ડ કરશે. વર્ષ 2024માં વિશ્વની વસ્તીમાં 7.10 કરોડનો વધારો જોવા મળશે અને નવા વર્ષના પ્રથમ દિવસે વસ્તીનો આંકડો 809 કરોડ સુધી પહોંચી જશે. યુએસ સેન્સસ બ્યુરો દ્વારા સોમવારે જાહેર કરવામાં આવેલા અંદાજ મુજબ, 2024 માં વસ્તીમાં 0.9 ટકાનો વધારો 2023 માં 7.50 કરોડના વધારા કરતાં થોડો ઓછો છે.
આ વર્ષે જન્મ અને મૃત્યુ દર કેટલો રહેશે?
અંદાજ મુજબ, જાન્યુઆરી 2025 માં વિશ્વભરમાં પ્રતિ સેકન્ડ 4.2 જન્મ અને 2.0 મૃત્યુ થવાની સંભાવના છે. 2024માં અમેરિકાની વસ્તીમાં 26 લાખનો વધારો થશે અને નવા વર્ષના પહેલા દિવસે અમેરિકાની વસ્તી 34.1 કરોડ થઈ જશે.
અમેરિકાની વસ્તીમાં દર 21.2 સેકન્ડે એક વ્યક્તિ ઉમેરવામાં આવશે. જાન્યુઆરી 2025 સુધીમાં યુનાઇટેડ સ્ટેટ્સમાં દર નવ સેકન્ડે એક જન્મ અને દર 9.4 સેકન્ડે એક મૃત્યુ થશે. તે જ સમયે, આંતરરાષ્ટ્રીય ઇમિગ્રન્ટ્સને કારણે, અમેરિકાની વસ્તી દર 23.2 સેકન્ડે એક વ્યક્તિ દ્વારા વધશે. જો જન્મ, મૃત્યુ અને વસાહતીઓની સંખ્યાને જોડવામાં આવે તો દર 21.2 સેકન્ડે યુએસની વસ્તીમાં એક વ્યક્તિનો ઉમેરો થશે. 2020ના દાયકામાં અત્યાર સુધીમાં અમેરિકાની વસ્તીમાં અંદાજે 97 લાખનો વધારો થયો છે અને તેનો વિકાસ દર 2.9 ટકા છે. જ્યારે 2010ના દાયકામાં આ વૃદ્ધિ 7.4 ટકા હતી, જે 1930 પછી સૌથી ઓછી હતી.
આ પણ વાંચો: બાંગ્લાદેશે પાકિસ્તાન પાસેથી શોર્ટ રેન્જ બેલિસ્ટિક મિસાઇલો માંગી, શું ભારત માટે સમષ્યા વધી ?
આ પણ વાંચો: મનમોહન સિંહના નિધનથી પાકિસ્તાન સ્થિત પૈતૃક ગામમાં પણ શોકનો માહોલ
આ પણ વાંચો: અફઘાનિસ્તાનમાં TTPના અનેક ઠેકાણાઓ પર પાકિસ્તાનના હુમલા : મૃતક આંક 15થી વધીને 46
