આજે ફરી ભારતીય શેરબજારની મુવમેન્ટ ઝડપથી આગળ વધતી જોવા મળી રહી છે. બજાર ખુલતાની સાથે જ નિફ્ટીએ ઓલ ટાઈમ હાઈ લેવલ પાર કરીને નવી ટોચ બનાવી લીધી હતી. બજારને મિડકેપ ઇન્ડેક્સના રેકોર્ડ હાઈથી સપોર્ટ મળી રહ્યો હોય તેવું લાગી રહ્યું છે. મિડકેપ ઈન્ડેક્સ હવે 45,000ની નજીક જઈ રહ્યો છે અને 44900 ના સ્તરને પાર કરી ગયો છે.
બજાર આજે આ સ્તરે ખુલ્યું
બીએસઈના 30 શેરો વાળા ઈન્ડેક્સ સેન્સેક્સ 92.15 પોઈન્ટના વધારાની સાથે 70,020ના સ્તર પર ખુલ્યા છે. એનએસઈનો 50 શેરવાળો ઈન્ડેક્સ નિફ્ટી 21.45 પોઈન્ટ અથવા 0.10 ટકાના વધારા સાથે 21,018ના સ્તર પર ખુલ્યો છે.
સેન્સેક્સ શેરોની સ્થિતિ
સેન્સેક્સના 30માંથી 22 શેરોમાં ઉછાળો જોવા મળી રહ્યો છે અને માત્ર 8 શેરો ઘટાડા સાથે ટ્રેડ થઈ રહ્યા છે. ટોપ ગેઈનર્સમાં ટાટા સ્ટીલ 0.92 ટકા, અલ્ટ્રાટેક સિમેન્ટ 0.91 ટકા અને ITC 0.90 ટકા ઉપર છે. પાવર ગ્રીડ 0.78 ટકા, બજાજ ફાઇનાન્સ 0.71 ટકા અને M&M 0.67 ટકા વધીને ટ્રેડ કરી રહ્યાં છે.
NSE નિફ્ટીની સ્થિતિ
નિફ્ટીના 50માંથી 38 શેરોમાં વધારો અને 12 શેરોમાં ઘટાડો જોવા મળી રહ્યો છે. નિફ્ટીના ટોપ ગેનર્સમાં HDFC લાઇફ 2.35 ટકા, બજાજ ઓટો 1.88 ટકા અને હીરો મોટોકોર્પ 1.66 ટકા ઉપર છે. ગ્રાસિમ અને એસબીઆઈ લાઈફના શેર 1.62-1.62 ટકાના ઉછાળા સાથે કારોબાર કરી રહ્યા છે.
બેંક નિફ્ટીમાં વધારો જોવા મળ્યો
બેંક નિફ્ટી આજે લગભગ 110 પોઈન્ટના વધારા સાથે ટ્રેડ થઈ રહ્યો હતો. આજે મિડકેપ ઈન્ડેક્સ 175.90 પોઈન્ટ અથવા 0.39 ટકાના વધારા સાથે 44905 પર ટ્રેડ થતો જોવા મળ્યો હતો, જે તેનું ઓલ ટાઈમ હાઈ લેવલ છે. નિફ્ટીમાં માત્ર આઈટી ઈન્ડેક્સ ડાઉન છે અને તે લાલ નિશાનમાં ટ્રેડ થઈ રહ્યો છે. બજાર ખુલ્યાના અડધા કલાક બાદ IT પણ લીલા નિશાન પર પરત ફર્યું હતું જ્યારે માત્ર રિયલ્ટી ઇન્ડેક્સ નજીવો ડાઉન રહ્યો હતો.
આ પણ વાંચો:
આ પણ વાંચો:
આ પણ વાંચો:
