ગુજરાતમાં ભાજપના ધારાસભ્યોની બેઠકમાં નવા મુખ્યમંત્રીનું નામ જાહેર કરવામાં આવ્યું હતું તેમાં ઘાટલોડિયા બેઠક પરથી ધારાસભ્ય એવા ભૂપેન્દ્ર પટેલ રાજ્યના નવા મુખ્યમંત્રી તરીકે પસંદ કરાયા છે.નવા મુખ્યપ્રધાન તરીકે નાયબ મુખ્યપ્રધાન નીતિન પટેલનું નામ છેક સુધી રેસમાં આગળ હતું. પરંતુ ફરી એક વખત નીતિન પટેલના મોઢામાંથી કોળીઓ છીનવાઇ ગયો હતો ત્યારે મહેસાણામાં એક કાર્યક્રમમાં ઉપસ્થિત રહેલા નીતિન પટેલે મોટું નિવેદન આપ્યું છે નીતિન પટેલે જણાવ્યું હતું કે સીએમ માટે ભલભલા નેતાઓના નામ ચાલતા હતા પરંતુ આખરે નિર્ણય તો પક્ષે જ કરવાનો હોય છે. નીતિન પટેલે જણાવ્યું કે તમે એવું ન માનતા કે હું એકલો પડી ગયો છું.
નીતિન પટેલે કહ્યું હતું કે પ્રજાજનોના હૃદયમાં છું મને કોઇ કાઢી શકે તેમ નથી, છેલ્લા 30 વર્ષથી કામ કરું છું એટલે અહીં સુધી પહોંચ્યો છું.હું અસલ મહેસાણાનો છુ, મેં મહેસાણાનું પાણી પીધું છે તેમણે કહ્યું કે હું ક્યારેય લોભ કે લાલચમાં આવતો નથી. હું હંમેશા પક્ષના સુખ સાથે સુખી અને દુઃખ સાથે દુઃખી છું.તેમણે વધુમાં કહ્યું હતું કે ભૂપેન્દ્ર ભાઇ જે જવાબદારી આપશે તે હું સ્વીકારીશ અને તે કામ પુરી નિષ્ઠાથી કરીશ.
