બોલીવૂડનો એક્શન કિંગ ખેલાડી અક્ષય કુમાર છેલ્લા કેટલાક સમયથી અજીબ પ્રકારની હરકતો કરતો જોવા મળી રહ્યો છે. ક્યારેક તે કહે છે કે, કશું ખાટુ ખાવાનું મન થઇ રહ્યું છે તો ક્યારેક કહે છે કે, હું નવર્સ છું. અલબત્તસ, અક્કીના આ તમામ ટ્વિટ જોઇને તેના પ્રશંસકો ઘણાં ચકિત થઇ ગયા છે અને અનેક પ્રકારની અટકળો લગાવી રહ્યાં છે.
આવામાં હવે આ સસ્પેન્સ પરથી પડદો ઉઠ્યો છે. અક્ષય કુમારના તમામ પ્રશંસકો માટે એ ખુશખબરી છે કે, તે પ્રેગનેન્ટ છે. જો કે, અક્ષય કુમારને પ્રેગનેન્ટ હોવાના સમાચારથી તેના પ્રશંસકો પણ માથુ ખંચવાળવા લાગ્યા છે. પરંતુ, વાસ્તવમાં અક્ષય કુમાર જલ્દી ટીવી શૉ ધ ગ્રેટ ઇન્ડિયન ચેલેન્જ થી કમબેક કરવા જઇ રહ્યો છે. જેમાં તે આ કૉમેડી શો ને હોસ્ટ કરતો નજરે આવશે.
સ્ટાર પ્લસ પર પ્રસારિત થનાર આ કૉમેડી શો નો અક્ષય કુમારે ટ્વિટર પર પ્રોમો રિલીઝ કર્યો છે. જેમાં તે પ્રેગનેન્ટ જોવા મળી રહ્યો છે. તે પોતાના પેટમાં ઉછળી રહેલા 6 બાળકોને ઉત્સુકતાથી દુનિયામાં આવવાની રાહ જોઇ રહ્યો છે, જેથી તે બાળકો દુનિયાના સૌથી મોટો કૉમેડિયન બની શકે. ઉલ્લેખનીય છેકે, આ શૉ માં અક્ષયની સાથે સ્વીડિશ અભિનેત્રી એલી અવરામ પણ નજરે આવશે.
