કોવિડ-19 નું ઓમિક્રોન વેરિઅન્ટ વિશ્વનાં ઘણા દેશોમાં ફેલાઈ ગયું છે. હવે યુનાઇટેડ કિંગડમનાં આરોગ્ય મંત્રીએ સોમવારે ત્યાંની સંસદમાં જણાવ્યું હતું કે, નવા ઓમિક્રોન વેરિઅન્ટ ઈંગ્લેન્ડનાં ઘણા વિસ્તારોમાં કોમ્યુનિટી ટ્રાંસફર થઇ ચુક્યો છે. તેમણે કહ્યું કે, દક્ષિણ આફ્રિકામાં મળી આવેલા આ વેરિઅન્ટનાં કુલ 336 કેસ અહીં હાજર છે. નવા ડેટા અનુસાર, ઈંગ્લેન્ડમાં આ વેરિઅન્ટનાં કુલ 261 કેસ છે. જ્યારે સ્કોટલેન્ડમાં 71 અને વેલ્સમાં 4 કેસ છે.
આ પણ વાંચો – Political / PM એ માંગી ખેડૂતોની માફી, માની પોતાની ભૂલ, હવે આપે તેમને વળતર અને રોજગાર : રાહુલ ગાંધી
યુનાઇટેડ કિંગડમનાં આરોગ્ય મંત્રી સાજિદ જાવિદે સોમવારે દેશની સંસદમાં જણાવ્યું હતું કે, કોવિડ-19 નું નવું ઓમિક્રોન વેરિઅન્ટ હવે ઈંગ્લેન્ડનાં વિસ્તારોમાં કોમ્યુનિટીમાં ફેલાઈ ગયું છે અને દક્ષિણ આફ્રિકામાં પ્રથમ વખત ઓમિક્રોન વેરિઅન્ટનાં કુલ 336 કેસની પુષ્ટિ થઈ છે. UK સરકાર દ્વારા બહાર પાડવામાં આવેલા નવા આંકડાઓ અનુસાર, હવે ઈંગ્લેન્ડમાં ઓમિક્રોન વેરિઅન્ટનાં 261 પુષ્ટિ થયેલા કેસો, સ્કોટલેન્ડમાં 71 અને વેલ્સમાં ચાર કેસ છે. આ સમગ્ર UK માં પુષ્ટિ થયેલા કેસોની કુલ સંખ્યા 336 પર પહોંચી ગઇ છે. તેમણે કહ્યું કે, “આમાં એવા કિસ્સાઓનો સમાવેશ થાય છે કે જેનો આંતરરાષ્ટ્રીય પ્રવાસ સાથે કોઈ સંબંધ નથી. તેથી, અમે તારણ કાઢી શકીએ છીએ કે હવે ઈંગ્લેન્ડનાં ઘણા વિસ્તારોમાં કોમ્યુનિટી ટ્રાન્સફર થઈ રહ્યું છે.”
આ પણ વાંચો – ભાજપનું શક્તિ પ્રદર્શન / UP જીતવા ભાજપનું શક્તિ પ્રદર્શન, PM મોદી સહિત અનેક રાજ્યના CMને આમંત્રણ
બ્રિટનનાં આરોગ્ય મંત્રી સાજિદ જાવિદે દેશની સંસદમાં જણાવ્યું કે સરકાર દ્વારા અન્ય એક દેશ નાઈજીરિયાને પણ ટ્રાવેલ રેડ લિસ્ટમાં મૂકવામાં આવ્યો છે અને ઘણા દેશો પર કડક શરતો સાથે સંપૂર્ણ ટ્રાવેલ પ્રતિબંધ લાદવામાં આવ્યો છે. બ્રિટનનાં આરોગ્ય મંત્રીએ કહ્યું કે, અમે કોઈ કસર છોડી રહ્યા નથી. અમારી વ્યૂહરચના પોતાના માટે સમય બચાવવા અને અમારા સંરક્ષણને મજબૂત કરવાની છે, જ્યારે અમારા વૈજ્ઞાનિકો સતત આ નવા વેરિઅન્ટ સામે સંરક્ષણને મજબૂત કરવાનો પ્રયાસ કરી રહ્યા છે અને નવા વેરિઅન્ટનું મૂલ્યાંકન કરી રહ્યા છે. જો કે, બ્રિટિશ આરોગ્ય મંત્રીએ એમ પણ કહ્યું કે, ઓમિક્રોન વેરિઅન્ટ ડેલ્ટા વેરિઅન્ટ કરતાં ઓછા સમય માટે સક્રિય રહી શકે છે.
