Entertainment: અનંત અંબાણી અને રાધિકા મર્ચન્ટ ફરી એક વાર પ્રી-વેડિંગ સેલિબ્રેશન કરશે. જામનગરમાં ત્રણ દિવસના ભવ્ય પ્રી-વેડિંગ સેલિબ્રેશન બાદ, મુકેશ અંબાણી અને નીતા અંબાણીના નાના પુત્ર અનંત અંબાણીનું બીજી પ્રી-વેડિંગ પાર્ટી યોજવામાં આવશે. દરમિયાન, કપલના પ્રી-વેડિંગ ફંક્શનનું કાર્ડ સામે આવ્યું છે. 28થી 31 મે દરમિયાન ઈટાલી અને ફ્રાન્સના સમુદ્ર વચ્ચે ક્રુઝ પર મુસાફરી કરતી વખતે આ ફંક્શન ઉજવવામાં આવશે.
અનંત-રાધિકાનું પ્રી-વેડિંગ ફંક્શન આટલા દિવસો સુધી ચાલશે
અનંત અંબાણી -રાધિકા મર્ચન્ટના બીજા પ્રી-વેડિંગમાં હાજરી આપવા માટે સ્ટાર્સ બહાર આવ્યા છે . તાજેતરમાં, રણબીર કપૂર-આલિયા ભટ્ટ પુત્રી રાહા, એમએસ ધોની અને સલમાન ખાન સાથે ઉજવણીમાં સામેલ થવા માટે જતા સમયે એરપોર્ટ પર જોવા મળ્યા હતા. દરેક જણ આતુરતાપૂર્વક રાહ જોઈ રહ્યા છે કે કપલ તેમના બીજા પ્રી-વેડિંગની શરૂઆત કરે. મુકેશ અંબાણીના પુત્ર અનંત અંબાણી અને રાધિકા મર્ચન્ટ જુલાઈમાં લગ્ન કરવાના છે. આ પહેલા બીજી પ્રી-વેડિંગ સેરેમની 28 થી 30 મે વચ્ચે થશે.
View this post on Instagram
અનંત-રાધિકાના પ્રી-વેડિંગ ફંક્શનની વિગતો
ચાર દિવસીય આ ઉજવણીની વિગતો બહાર આવી છે, જેમાં 28 મેના રોજ ક્રુઝ પર મહાનુભાવોનું સ્વાગત કરવામાં આવશે. અનંત અંબાણી-રાધિકા મર્ચન્ટના બીજા પ્રી-વેડિંગમાં 29મી મેના રોજ લંચ પાર્ટી, 30મી મેના રોજ ડાન્સ પાર્ટી અને 31મી મે એટલે કે શનિવારના રોજ થીમ હશે ‘લા ડોલ્સે વીટા’ એટલે કે ડાન્સ-ગાન અને મજા, જેમાં ઇટાલિયન ઉનાળાનો ડ્રેસ કોડ હશે.
અનંત-રાધિકાનું ક્રુઝ નામ
આ સિવાય અનિલ અંબાણી અને મુકેશ અંબાણી અને નીતા અંબાણીની ભાવિ વહુ રાધિકા મર્ચન્ટ પણ ઈટાલી જવા રવાના થઈ ગયા છે. બીજી પ્રી-વેડિંગ સેરેમની જે ક્રુઝ પર થશે તેનું નામ ‘સેલિબ્રિટી એસેન્ટ’ છે. તે માલ્ટામાં બનાવવામાં આવે છે. તે 28 મેના રોજ ઇટાલીના પાલેર્મો પોર્ટથી રવાના થશે અને 4380 કિલોમીટરનું અંતર કાપીને દક્ષિણ ફ્રાન્સ પહોંચશે.
આ પણ વાંચો:સલમાન ખાને કરી બોમ્બે હાઈકોર્ટમાં અરજી, આરોપીના મૃત્યુના કેસમાંથી તેનું નામ હટાવવાની કરી વિનંતી
આ પણ વાંચો:નવાઝુદ્દીન સિદ્દીકીના ભાઈ અયાઝુદ્દીનની કરી ધરપકડ,જાણો શું છે સમગ્ર ઘટના