ભગવાન કૃષ્ણની પૂજા અનેક સ્વરૂપોમાં કરવામાં આવે છે, પરંતુ જન્માષ્ટમી પર ભગવાનના બાળ સ્વરૂપની પૂજા કરવી મહત્વપૂર્ણ છે. આ દિવસે બાલ ગોપાલને પારણામાં બેસાડવામાં આવે છે અને ઝૂલો નાખવામાં આવે છે. તંત્રશાસ્ત્રમાં જન્માષ્ટમીની રાત્રિને ખૂબ જ વિશેષ માનવામાં આવે છે. આને મોહરાત્રી કહે છે. આ રાત્રે કરવામાં આવેલ ઉપાય જલ્દી જ શુભ ફળ આપે છે.
જન્માષ્ટમીની રાત્રે સંતાન ગોપાલ મંત્રનો જાપ કરો
હાલમાં એવા કેટલાય પરિવારો છે જેઓ સંતાન સુખથી વંચિત છે એટલે કે ઘણા પ્રયત્નો પછી પણ તેમને સંતાન નથી મળી રહ્યું. આવી સ્થિતિમાં એક એવો મંત્ર છે જેનો જાપ જન્માષ્ટમીની રાત્રે કરવાથી સંતાનનો જન્મ થઈ શકે છે, એવું ધાર્મિક ગ્રંથોમાં લખેલું છે. તેને સંતાન ગોપાલ મંત્ર કહેવામાં આવે છે. આ મંત્ર ખૂબ જ સરળ છે, જેનો કોઈપણ વ્યક્તિ જાપ કરી શકે છે.
આ પદ્ધતિથી સંતાન ગોપાલ મંત્રનો જાપ કરો
જન્માષ્ટમીની રાત્રે સ્નાન વગેરે કર્યા પછી સૌપ્રથમ ભગવાન શ્રીકૃષ્ણના બાળ સ્વરૂપની પૂજા કરો. માખણ અને મીશ્રી નો પ્રસાદ ધરાવો. આ પછી તે જ જગ્યાએ બેસીને તુલસીની માળાથી આ મંત્રનો જાપ કરો.
મંત્રના જાપ દરમિયાન શુદ્ધ ઘીનો દીવો સળગતો રાખવો જોઈએ. પીળી ધોતી કે કપડું પહેરીને આ મંત્રનો જાપ કરો. ધ્યાન રાખો કે આસન સ્વચ્છ હોવું જોઈએ.
– પ્રથમ વિનિયોગ કરો –
अस्य गोपाल मंत्रस्य, नारद ऋषि:, अनुष्टुप छंद:, कृष्णो देवता, मम पुत्र कामनार्थ जपे विनियोग:।
– વિનિયોગ પછી ધ્યાન કરો-
विजयेन युतो रथस्थित: प्रसभानीय समुद्र मध्यत:।
प्रददत्त नयान् द्विजन्मने स्मरणीयो वसुदेव नंदन:।।
આ પછી, શુદ્ધ હૃદયથી બાળકની ઇચ્છા માટે, આ નીચે લખેલા સંતાન ગોપાલ મંત્રનો ઓછામાં ઓછા 51 માળા જાપ કરો. (1 માળા એટલે 108 વખત)
ऊं देवकी सुत गोविंद वासुदेव जगत्पते ।
देहि मे तनयं कृष्ण त्वामहं शरणं गत:।।
આ રીતે જન્માષ્ટમીની રાત્રે મંત્રનો જાપ કર્યા પછી બીજા દિવસે સવારે તમારી ઈચ્છા મુજબ બ્રાહ્મણોને દાન કરો. આ મંત્રનો જાપ કરવાથી તમારી મનોકામના પૂર્ણ થઈ શકે છે.
