વડાપ્રધાન મોદી 26 મેના રોજ હૈદરાબાદ અને ચેન્નાઈની મુલાકાત લેશે. પીએમ પહેલા હૈદરાબાદ જશે. બપોરે 2 વાગ્યે, તેઓ હૈદરાબાદમાં ઇન્ડિયન સ્કૂલ ઑફ બિઝનેસના 20 વર્ષની ઉજવણીમાં ભાગ લેશે અને 2022ના પોસ્ટ ગ્રેજ્યુએટ પ્રોગ્રામ (PGP) વર્ગના પદવીદાન સમારોહને સંબોધિત કરશે. સાંજે 5:45 વાગ્યે, PM ચેન્નાઈના JLN ઇન્ડોર સ્ટેડિયમમાં 31,400 કરોડ રૂપિયાથી વધુની કિંમતની 11 પ્રોજેક્ટનો શિલાન્યાસ કરશે અને તેમને રાષ્ટ્રને સમર્પિત કરશે. જેમાં મલ્ટીમોડલ લોજિસ્ટિક્સ પાર્કનો શિલાન્યાસ સામેલ છે. આ MMLP પ્રોજેક્ટ રૂ. 1,045 કરોડના ખર્ચે તમિલનાડુના તિરુવલ્લુર જિલ્લાના માપેડુ ગામમાં સ્થાપિત કરવામાં આવશે.
ઈન્ફ્રાસ્ટ્રક્ચરને વેગ આપવા, કનેક્ટિવિટી વધારવા અને પ્રદેશમાં જીવન સરળ બનાવવા માટે, PM ચેન્નાઈમાં 11 પ્રોજેક્ટનો શિલાન્યાસ કરશે. આ પ્રોજેક્ટો આ પ્રદેશની સામાજિક-આર્થિક સમૃદ્ધિને સુધારવામાં મદદ કરશે. તેઓ ઘણા ક્ષેત્રોમાં અસર કરશે અને રોજગારીની તકો ઊભી કરવામાં પણ મદદ કરશે.
ચેન્નાઈમાં PM 2900 કરોડ રૂપિયાથી વધુના પાંચ પ્રોજેક્ટ રાષ્ટ્રને સમર્પિત કરશે. 75 કિમી લાંબી મદુરાઈ-થેની (રેલવે ગેજ કન્વર્ઝન પ્રોજેક્ટ) પ્રોજેક્ટ રૂ. 500 કરોડથી વધુના ખર્ચે બનાવવામાં આવ્યો છે. તે વિસ્તાર સુધી પહોંચવાની સુવિધા આપશે અને આ વિસ્તારમાં પ્રવાસનને વેગ આપશે.એ જ રીતે, ટંગારામ-ચેંગલપટ્ટુ વચ્ચે 30 કિલોમીટર લાંબી ત્રીજી રેલ્વે લાઇનનો પ્રોજેક્ટ ખર્ચ રૂ. 590 કરોડ છે. PM મોદી ચેન્નાઈમાં 1400 કરોડથી વધુના ખર્ચે મલ્ટી મોડલ લોજિસ્ટિક્સ પાર્કનો શિલાન્યાસ પણ કરશે.
આ પણ વાંચો: પંજાબના સ્વાસ્થ્ય મંત્રી વિજય સિંગલાને બરતરફ કરવા પર સીએમ કેજરીવાલે કહ્યું, ભગવંત માનને તમારા પર ગર્વ છે
