કર્ણાટકમાં હિજાબને લઈને છેલ્લા 9 મહિનાથી ચાલી રહેલા વિવાદમાં કર્ણાટક હાઈકોર્ટના નિર્ણય વિરુદ્ધ સુપ્રીમ કોર્ટ આજે (29 ઓગસ્ટ) સુનાવણી કરશે. આ મામલો લાંબા સમયથી સુપ્રીમ કોર્ટમાં પેન્ડિંગ છે. 24 માર્ચે સુપ્રીમ કોર્ટે કર્ણાટક હાઈકોર્ટના આદેશને પડકારતી અરજીની સુનાવણી માટે કોઈ ચોક્કસ તારીખ આપવાનો ઈન્કાર કરી દીધો હતો. તમને જણાવી દઈએ કે 15 માર્ચે કર્ણાટક હાઈકોર્ટે પોતાનો નિર્ણય સંભળાવ્યો હતો. હાઈકોર્ટની ત્રણ સભ્યોની બેન્ચે સ્પષ્ટપણે કહ્યું હતું કે હિજાબ ઈસ્લામનો આવશ્યક ભાગ નથી. એટલે કે હાઈકોર્ટે સ્કૂલ-કોલેજમાં હિજાબ પહેરવાની પરવાનગી આપવાનો ઈન્કાર કરી દીધો હતો.
આ વિવાદ 27 ડિસેમ્બર, 2021થી શરૂ થયો હતો
27 ડિસેમ્બર, 2021 ના રોજ ઉડુપીની સરકારી કોલેજથી વિવાદ શરૂ થયો હતો, જ્યારે કેટલીક છોકરીઓને હિજાબ પહેરીને ક્લાસમાં જવાથી અટકાવવામાં આવી હતી. અહીંના પ્રિન્સિપાલ રુદ્ર ગૌડાના જણાવ્યા અનુસાર, 31 ડિસેમ્બરે અચાનક હિજાબ પહેરેલી કેટલીક વિદ્યાર્થિનીએ ક્લાસમાં આવવાની પરવાનગી માંગી. જ્યારે પરવાનગી નકારવામાં આવી, ત્યારે વિરોધ શરૂ થયો. સુપ્રિમ કોર્ટે 2 ઓગસ્ટે કર્ણાટક હાઈકોર્ટના નિર્ણય વિરુદ્ધ દાખલ કરાયેલી અનેક અરજીઓ પર વિચારણા કરવા માટે બેન્ચની રચના કરવા સંમતિ આપી હતી. 13 જુલાઈના રોજ એડવોકેટ પ્રશાંત ભૂષણે ચીફ જસ્ટિસ ઑફ ઈન્ડિયા (CJI) NV રમના (હવે નિવૃત્ત) ની આગેવાની હેઠળની બેંચ સમક્ષ આ બાબતનો ઉલ્લેખ કરતા કહ્યું હતું કે અરજીઓ લાંબા સમયથી સૂચિબદ્ધ નથી. જેના કારણે મુસ્લિમ છોકરીઓના શિક્ષણમાં અવરોધ આવી રહ્યો છે. વાંચવા માટે ક્લિક કરો – HCના નિર્ણય બાદ હિજાબ વિવાદને 10 મુદ્દામાં જાણો
ઘણી સેલિબ્રિટીઓ, વિવાદાસ્પદ વ્યક્તિઓ તો આતંકવાદીઓ પણ આ મામલે કૂદી પડ્યા.
હિજાબ વિવાદને લઈને દેશ અને દુનિયાભરમાં ચર્ચાઓ થઈ રહી છે. હિજાબ વિવાદને લઈને કર્ણાટકમાં 26 વર્ષીય બજરંગ દળના કાર્યકર હર્ષની હત્યા બાદ મામલો મુસ્લિમ કટ્ટરપંથીઓના કાવતરા સુધી પહોંચ્યો હતો. આંતરરાષ્ટ્રીય આતંકવાદી સંગઠન અલ-કાયદાના નેતા અલ-ઝવાહિરીએ હિજાબને લઈને ચાલી રહેલા વિવાદને લઈને હિજાબ ગર્લ મુસ્કાનના સમર્થનમાં એક વીડિયો જાહેર કરીને મામલાને વધુ વિવાદાસ્પદ બનાવી દીધો છે. જોકે, આ વીડિયો જવાહિરીના મોતનું કારણ બન્યો હતો. આ વીડિયોએ સાબિત કર્યું કે જવાહિરી જીવિત છે. કારણ કે તે પહેલા જ તેના મોતના સમાચાર આવતા હતા. જવાહિરી ઓગસ્ટની શરૂઆતમાં યુએસ હુમલામાં માર્યો ગયો હતો. આ મામલે અનેક સેલિબ્રિટી અને રાજનેતાઓના નિવેદન પણ આવ્યા હતા. વાંચવા ક્લિક કરો- ‘હિજાબ કોન્ટ્રોવર્સી’માં કૂદવા બદલ ઝવાહિરીની હત્યા કરાઈ હતી.
World/ અફઘાનિસ્તાનમાં ડ્રોન હુમલા માટે અમેરિકાન મદદ કરી રહ્યું છે પાકિસ્તાન, તાલિબાને આપી ધમકી
National/ આ પહાડી રાજ્યમાં દર વર્ષે ચોમાસું લાવે છે મોતનું ભયાનક તાંડવ: 5 વર્ષમાં 1,550 લોકોના મોત,
