ટીમ ઈન્ડિયાએ ન્યૂઝીલેન્ડ સામે 540 રનનો ટાર્ગેટ રાખ્યો છે, જેનો પીછો કરતા કિવી ટીમનો સ્કોર ત્રીજા દિવસનાં અંતે 5 વિકેટે 140 રન છે. હેનરી નિકોલ્સ 36 અને રચિન રવિન્દ્રએ 2 રન બનાવીને અણનમ છે. ભારત તરફથી આર અશ્વિને અત્યાર સુધીમાં 3 વિકેટ ઝડપી છે. મેચમાં હજુ બે દિવસ બાકી છે અને ભારતીય ટીમ જીતથી માત્ર 5 વિકેટ દૂર છે. આ સાથે જ ન્યૂઝીલેન્ડને મેચ જીતવા માટે વધુ 400 રન બનાવવાનાં છે જે લગભગ અશક્ય દેખાઇ રહ્યુ છે.
Stumps on Day 3 of the 2nd Test.#TeamIndia 5 wickets away from victory.
Scorecard – https://t.co/KYV5Z1jAEM #INDvNZ @Paytm pic.twitter.com/C7luRRTwNk
— BCCI (@BCCI) December 5, 2021
ન્યૂઝીલેન્ડ સામે 540 રનનો જંગી લક્ષ્યાંક મૂક્યા બાદ, ભારતે રવિવારે અહીં બીજી અને અંતિમ ટેસ્ટ મેચમાં ત્રીજા દિવસે પાંચ વિકેટ ઝડપીને મોટી જીત મેળવી હતી. ન્યૂઝીલેન્ડે ત્રીજા દિવસની રમતનાં અંતે તેની બીજી ઇનિંગમાં પાંચ વિકેટે 140 રન બનાવી લીધા છે અને તે લક્ષ્યથી હજુ 400 રન દૂર છે. કાનપુરમાં બન્ને ટીમો વચ્ચે રમાયેલી પ્રથમ મેચ ડ્રો રહી હતી. ભારત, જેણે તેની પ્રથમ ઇનિંગમાં 325 રન બનાવ્યા હતા, તેણે તેની બીજી ઇનિંગ સાત વિકેટે 276 રન પર સમાપ્ત કરવાની જાહેરાત કરી હતી. ન્યૂઝીલેન્ડની ટીમ પ્રથમ ઇનિંગમાં માત્ર 62 રનમાં ઓલઆઉટ થઈ ગઈ હતી. જે હવે તેમના માટે મોટી મુસિબત બની શકે છે. જણાવી દઇએ કે, 55 રનમાં 3 વિકેટ ગુમાવ્યા બાદ ડેરીલ મિશેલ અને હેનરી નિકોલ્સે ન્યૂઝીલેન્ડની ઇનિંગની કમાન સંભાળી હતી. બન્નેએ ચોથી વિકેટ માટે 111 બોલમાં 73 રન જોડ્યા હતા. આ ભાગીદારીને અક્ષર પટેલે મિશેલ (60)ને આઉટ કરીને તોડી હતી. મિશેલે 92 બોલમાં 60 રન બનાવ્યા હતા. ટેસ્ટ ક્રિકેટમાં આ તેની બીજી અડધી સદી હતી. NZ હજુ આ ઝટકામાંથી બહાર નીકળ્યું ન હતું કે વિકેટકીપર ટોમ બ્લંડલ (0) રન પર આઉટ થયો હતો.
🔚 STUMPS, DAY THREE 🔚
India need 5️⃣ wickets to claim victory in the second #INDvNZ Test and the series after Ravichandran Ashwin stars on day three 🇮🇳🇳🇿
New Zealand need 400 more runs to win or to bat out two days for a draw…
📺 D4 – 3.50am, Monday, Sky Sports Cricket 📱
— Sky Sports Cricket (@SkyCricket) December 5, 2021
આજની રમત પૂર્ણ થાય તે પહેલા ન્યૂઝીલેન્ડ તરફથી હેનરી નિકોલ્સ 36 રને અને રચિન રવીન્દ્ર 2 રન બનાવ્યા હતા. ભારત તરફથી ઓફ સ્પિનર રવિચંદ્રન અશ્વિને 27 રનમાં ત્રણ અને ડાબોડી સ્પિનર અક્ષર પટેલે 42 રનમાં એક વિકેટ લીધી હતી. અશ્વિને કેરટેકર કેપ્ટન અને તેના મનપસંદ શિકાર ટોમ લાથમ (6)ને ટી બ્રેક પહેલા LBW આઉટ કર્યો જેમાં બેટ્સમેને ‘રિવ્યૂ’ પણ ગુમાવ્યુ હતુ. અશ્વિને આ આઠમી વખત લાથમને પેવેલિયન મોકલ્યો છે. અશ્વિને 19મી ઓવરનાં છેલ્લા બોલ પર હેનરી નિકોલ્સ સામે LBWની અપીલ કરી. એમ્પાયરે પણ આઉટ જાહેર કર્યો હતો. પરંતુ નિકોલ્સે DRS લીધું અને રિપ્લેમાં જોવા મળ્યું કે બોલ બેટ સાથે અથડાયા બાદ પેડ સાથે અથડાયો હતો. નિકોલ્સને રિવ્યુ કામ આવ્યો અને તે અણનમ રહ્યો. અશ્વિને ચા નાં સમય બાદ બીજા ઓપનર વિલ યંગ (20)ને શોર્ટ લેગ પર કેચ કરાવ્યો હતો. ત્યારે વિરાટ કોહલીનો ‘રિવ્યુ’ લેવાનો નિર્ણય સાચો સાબિત થયો હતો. આ વર્ષે અશ્વિનની આ 50મી ટેસ્ટ વિકેટ હતી. એક કેલેન્ડર વર્ષમાં ચોથી વખત તેણે 50થી વધુ વિકેટ લીધી છે, જે એક ભારતીય રેકોર્ડ છે. ન્યૂઝીલેન્ડનાં સૌથી અનુભવી બેટ્સમેન રોસ ટેલરે (6) પોતાની વિકેટ ઈનામમાં આપી. તે અશ્વિનનાં ઓફ બ્રેકને સમજી શક્યો નહીં અને આઉટ થઇ ગયો હતો.
Nicholls (36*) & Ravindra (2*) will resume on Day 4 tomorrow, both showing plenty of character to close out Day 3 at Wankhede Stadium.
Follow play live in NZ on @skysportnz & @SENZ_Radio
Scorecard | https://t.co/tKeqyLOL9D #INDvNZ pic.twitter.com/OMPI0gsNDO— BLACKCAPS (@BLACKCAPS) December 5, 2021
ટાર્ગેટનો પીછો કરતા NZ ની શરૂઆત ખરાબ રહી હતી અને કિવી કેપ્ટન ટોમ લાથમ (6) આર અશ્વિનની બોલ પર LBW આઉટ થયો હતો. લાથમે રિવ્યૂ લીધો, પરંતુ તેનો નિર્ણય ટીમ ઈન્ડિયાનાં પક્ષમાં રહ્યો હતો. ડેરિલ મિશેલ અને વિલ યંગે બીજી વિકેટ માટે 32 રન જોડીને ટીમની ઇનિંગ્સને પાટા પર લાવી હતી, પરંતુ અશ્વિને યંગ (20)ને આઉટ કરીને ભારતને બીજી સફળતા અપાવી હતી. યંગની વિકેટ સાથે આર અશ્વિન આ વર્ષે 50 ટેસ્ટ વિકેટ લેનારો પ્રથમ બોલર પણ બન્યો છે. આ પહેલા બીજી ઈનિંગમાં બેટિંગ કરતા મયંક અગ્રવાલનાં જમણા હાથમાં ઈજા થઈ હતી. તેને સાવચેતી રૂપે મેદાનમાં ન આવવાની સલાહ આપવામાં આવી છે. વળી, શુભમન ગિલ પણ મેચનાં બીજા દિવસે ફિલ્ડિંગ દરમિયાન આંગળીમાં ઇજાને કારણે ત્રીજા દિવસે ફિલ્ડિંગ માટે આવ્યો નથી. ટીમ ઈન્ડિયાએ 276/7 નાં સ્કોર પર બીજી ઈનિંગ ડિક્લેર કરી હતી. પ્રથમ ઇનિંગમાં 150 રન બનાવનાર ઓપનર મયંક અગ્રવાલ (62) બીજી ઈનિંગમાં પણ ટોપ સ્કોરર રહ્યો હતો. આ સાથે ચેતેશ્વર પુજારા (47) અને શુભમન ગિલ (47)એ પણ સારો સ્કોર કર્યો હતો. પ્રથમ ઇનિંગમાં તમામ 10 વિકેટ લઈને ઈતિહાસ રચનાર એજાઝ પટેલે બીજી ઈનિંગમાં પણ 4 વિકેટ ઝડપી હતી.
