ટેલિકોમ્યુનિકેશન વિભાગ એટલે કે સંચાર મંત્રાલયના DoT દ્વારા ભારતીયોને એક એડવાઈઝરી જારી કરવામાં આવી છે, જેમાં ભારતીયોને કોઈ ચોક્કસ નંબર પરથી આવતા કોલ વિશે સાવચેત રહેવાની સૂચના આપવામાં આવી છે. ટેલિકોમ મંત્રાલયના જણાવ્યા અનુસાર, આ કોલ યુઝર્સને મળ્યો છે, જેમાં એવો દાવો કરવામાં આવ્યો છે કે તમારો મોબાઈલ નંબર સ્વિચ ઓફ થવાનો છે. આવા કોલ્સમાં એવો દાવો કરવામાં આવે છે કે તમારો મોબાઈલ નંબર ખોટી ગતિવિધિઓમાં સામેલ છે.
ડિપાર્ટમેન્ટ ઓફ ટેલિકોમ્યુનિકેશન દ્વારા વોટ્સએપ કોલ્સ અંગે પણ એક એડવાઈઝરી જારી કરવામાં આવી છે, જેમાં વિદેશી મોબાઈલ નંબરો પરથી કોલ કરવામાં આવે છે. જે નંબર પરથી કોલ કરવામાં આવે છે તે +92-xxxxxxxxxxxx થી શરૂ થાય છે. આવી સ્થિતિમાં, ભારતીયોએ ધ્યાન આપવાની જરૂર છે કે યુઝર્સે +92 થી શરૂ થતા મોબાઇલ નંબરો પરથી આવતા કોલ્સ ઉપાડવા જોઈએ નહીં. જણાવી દઈએ કે +92 એ પાકિસ્તાની મોબાઈલ નંબરનો દેશ કોડ છે. ગૃહ મંત્રાલય (MHA) એ કહ્યું કે ભારતીયોએ આવા મોબાઈલ કોલથી દૂર રહેવું જોઈએ.
ટેલિકોમ મંત્રાલયે ચેતવણી જારી કરી છે કે આ કોલ પાકિસ્તાન સ્થિત સાયબર ગુનેગારો દ્વારા કરવામાં આવે છે. આવા કોલ્સની મદદથી પાકિસ્તાનીઓ ભારતીય યુઝર્સની અંગત માહિતીની ચોરી કરે છે અને પછી સાયબર ક્રિમિનલ અને નાણાકીય છેતરપિંડી કરે છે.
DoT સલાહ આપે છે કે આવા કોઈ કોલ રિસિવ ન કરો. ઉપરાંત, આવો કોઈ કોલ રિસીવ કરતી વખતે અંગત માહિતી શેર ન કરવી જોઈએ.
આવા કોઈપણ કોલની જાણ સંચાર સાથી પોર્ટલ પર કરવી જોઈએ.
DoT અનુસાર, આવા કોઈપણ કોલની જાણ સાયબર ક્રિમિનલ હેલ્પલાઈન નંબર 1930 અથવા www.cybercrime.gov.in પર કરવી જોઈએ.
આ પણ વાંચો: શન્સ કોર્ટનો દુર્લભ નિર્ણય, એક વ્યક્તિને 80 કોરડા મારવાની સજા
આ પણ વાંચો: અમેરિકામાં પણ ગુંજ્યા ‘આ વખતે અમે 400 પાર’ ના નારા, PM મોદીના સમર્થકોએ કર્યું મોટું કામ
આ પણ વાંચો: માલદીવના મંત્રીઓનું ભારત વિરોધી ટિપ્પણી યથાવત, હવે તિરંગાની…
