@સચીન પીઠવા, મંતવ્ય ન્યૂઝ – સુરેન્દ્રનગર
પાટડી તાલુકાનાં 4000 ની વસ્તી ધરાવતા પાનવા ગામે અનુસૂચિત જાતિનો બોર તો છેલ્લા બે વર્ષથી બંધ છે. જ્યારે ગ્રામ પંચાયતનાં બીજા બોરની મોટર 10 દિવસ અગાઉ બળી જતાં ગામમાં આકરા ઉનાળામાં પાણીનો પોકાર શરૂ થયો છે. ગામની મહિલાઓ ભર બપોરે 45 ડીગ્રી તાપમાનમાં ગામને છેવાડે આવેલા કૂવે પીવાનું પાણી ભરવા જવા મજબૂર બન્યા છે.
ગુજરાત: ચોટીલાનાં ઠાંગા પંથકમાં ફરી વધી દિપડાની દહેશત
પાટડી તાલુકાનાં છેવાડે આવેલા પાનવા ગામની વસ્તી અંદાજે 4000 લોકોની છે. પાનવા ગામે 2015 માં ખાસ અંગભૂત યોજનામાં બનાવવામાં આવેલો અનુસૂચિત જાતિનો બોર છેલ્લા બે વર્ષથી પણ વધારે સમયથી બંધ હાલતમાં છે. જ્યારે બીજી બાજુ પાનવા ગ્રામ પંચાયતનાં બોરમાં 10 દિવસ અગાઉ પેનલ બોર્ડમાં ખામી થવાની સાથે બોરની મોટર બળી જવાના લીધે પાનવા ગામમાં પીવાનાં પાણીની સમસ્યા અતિ વિકટ બનવા પામી છે. પાનવા ગામની મહિલાઓને 45 ડીગ્રી તાપમાનમાં ભર બપોરે માથે બેડા ઉંચકી પીવાનાં પાણીની એક એક બુંદ માટે વલખાં મારવા પડી રહ્યાં છે. ગામની મહિલાઓ ગામનાં છેવાડે આવેલા કૂવે પાણી ભરવા મજબૂર બની છે. આ અંગે પાનવા ગામનાં રમેશભાઇએ જણાવ્યું કે, ગામનો બીજો એક કૂવો તૂટેલો છે. જેનો ગ્રાનજનો નહાવા-ધોવા અને કપડા ધોવા માટે જ ઉપયોગ કરે છે. અને બીજા એક કૂવામાંથી ગામની તમામ મહિલાઓ પીવાનું પાણી ભરે છે. જ્યારે ગામનો અનુસૂચિત જાતિનો બોર તો છેલ્લા બે વર્ષથી પણ વધારે સમયથી બંધ હાલતમાં છે.
ગુજરાત: ધ્રાંગધ્રા સરકારી હોસ્પિટલ ખાતે સરકાર દ્વારા 10 ઓક્સિજન કોનસન્ટ્રેટર મશીન ફાળવવામાં આવ્યા
આ અંગે પાનવા ગામનાં તલાટી કમ મંત્રી મહેશભાઇએ જણાવ્યું કે, ગ્રામ પંચાયતનાં બોરની મોટર બળી જવાની સાથે પેનલ બોર્ડમાં ખામી સર્જાતા આ સમસ્યા ઉદભવી હતી. જે પાણી પુરવઠા વિભાગને સાથે રાખી રીપેરીંગ કરાવી લીધી છે. આજે બપોર બાદ રીપેરીંગ કરેલી મોટર બોરમાં ઉતારવાની છે અને કાલથી પાનવા ગ્રામજનોને રાબેતા મુજબ પીવાનું પાણી પુરૂ પાડવામાં આવશે.
