Gandhinagar News:ગાંધીનગરના કલોલ તાલુકાના ગોલથરા ગામમાં ડ્રગ્સ મુક્ત સમાજ બનાવવા માટે પ્રેરણાદાયક પગલું ભર્યું છે. નવા વર્ષની શરૂઆતમાં, ગ્રામજનોએ ડ્રગ્સ અને માદક દ્રવ્યોના સેવન અને વેપાર સામે કડક કાર્યવાહી કરવા માટે એક થયા.ગામના વડીલોના સમર્થનથી લેવામાં આવેલા આ નિર્ણયમાં ડ્રગ્સનું સેવન અથવા વેપાર કરનારાઓ પર ભારે દંડની જોગવાઈઓનો સમાવેશ થાય છે. ગોલથરા ગામને ડ્રગ્સ મુક્ત બનાવવામાં આ પગલું મહત્વપૂર્ણ સાબિત થઈ શકે છે.
નશો કરતા કે નશાનો વેપલો કરતા લોકોને થશે સજા
જો કોઈ વ્યક્તિ દારૂ, (Alcohol) ગાંજા, અફીણ અથવા અન્ય માદક દ્રવ્યોનું સેવન કરતા પકડાશે તો તેને 50,000 રૂપિયાનો દંડ કરવામાં આવશે. વારંવાર ગુનેગારો (Criminals) સામે કડક કાર્યવાહીની ચેતવણી (Warning) પણ આપવામાં આવી છે.દેશી દારૂ કે અન્ય માદક દ્રવ્યોનો વેપાર કરતા પકડાયેલા કોઈપણ વ્યક્તિને 1 લાખ રૂપિયાનો દંડ કરવામાં આવશે. વધુમાં, ગ્રામ પંચાયત અને સ્થાનિક સમુદાય પણ આવા વેપારીઓ સામે કાનૂની કાર્યવાહી કરવા માટે પ્રતિબદ્ધ છે.
દેશી દારૂનો વેપાર કરશે તો રૂપિયા 1 લાખનો દંડ થશે
આ નિયમોના અમલીકરણની દેખરેખ ગ્રામ પંચાયત, ગામના વડીલો અને સ્થાનિક યુવાનોની ટીમ દ્વારા કરવામાં આવશે. ડ્રગ્સના દુરૂપયોગ સામે જાગૃતિ ફેલાવવા માટે ગામમાં શિબિરો, રેલીઓ અને સામાજિક કાર્યક્રમોનું પણ આયોજન કરવામાં આવશે.ગોલથરા ગામના આગેવાનો કહે છે કે ડ્રગ્સનો દુરુપયોગ ગામના યુવાનોના ભવિષ્યને બગાડી રહ્યો છે અને પરિવારો પર નકારાત્મક અસર કરી રહ્યો છે. ગુજરાતમાં દારૂ પર પ્રતિબંધ હોવા છતાં, ગ્રામીણ વિસ્તારોમાં દેશી દારૂ અને અન્ય માદક દ્રવ્યોનું ગેરકાયદે વેચાણ એક મોટી સમસ્યા છે. આ નિર્ણય ગામના યુવાનોને ડ્રગ્સ મુક્ત રાખવા અને ગામની સામાજિક-આર્થિક સ્થિતિને મજબૂત બનાવવા માટે લેવામાં આવ્યો છે.ગામના સરપંચે કહ્યું, “અમે ગોલથરા ગામને ડ્રગ્સ મુક્ત બનાવવા માટે પ્રતિબદ્ધ છીએ. આ નિર્ણય ગામના દરેક નાગરિકની સંમતિથી લેવામાં આવ્યો છે, અને અમે ખાતરી કરીશું કે આ નિયમોનું કડક પાલન થાય.”
આ પણ વાંચો:અમદાવાદમાં ચાલુ ફરજે નશો કરતો જવાન પકડાયો
આ પણ વાંચો:નશો કરીને બફામ કાર હંકારી અકસ્માત કરનારા રિપલ પંચાલને 24 કલાકમાં મળ્યા જામીન
આ પણ વાંચો:સાવધાન! આઈસક્રીમ ખાતા જ લોકોને ચડતો નશો, દુકાનમાં છાપો મારતો થયો ઘટસ્ફોટ
