દેશમાં મંકીપોક્સનો ખતરો સતત વધી રહ્યો છે. આ દરમિયાન કેરળમાં શનિવારે એક 22 વર્ષીય છોકરાનું મૃત્યુ થયું હતું. પહેલા એવી આશંકા હતી કે તે મંકીપોક્સથી સંક્રમિત છે, પરંતુ હવે આ સમાચારને લઈને એક મોટું અપડેટ સામે આવ્યું છે. યુનાઇટેડ આરબ અમીરાત (UAE)માં છોકરો મંકીપોક્સથી સંક્રમિત જોવા મળ્યો હતો. તેમનો ટેસ્ટ રિપોર્ટ પોઝિટિવ આવ્યો છે. જો કે હજુ સુધી એ વાતની પુષ્ટિ થઈ નથી કે તેમનું મૃત્યુ મંકીપોક્સ વાયરસના કારણે થયું છે.
કેરળના આરોગ્ય મંત્રી વીણા જ્યોર્જનું કહેવું છે કે ત્રિશૂરના 22 વર્ષના છોકરાના મૃત્યુનું કારણ મંકીપોક્સ હોવાની આશંકા છે. યુએઈમાં તે મંકીપોક્સ માટે પોઝિટિવ મળી આવ્યો હતો. તે 21 જુલાઈએ ભારત પહોંચ્યો હતો, જ્યારે યુએઈ છોડવાના એક દિવસ પહેલા તેનો ટેસ્ટ રિપોર્ટ પોઝિટિવ આવ્યો હતો.
સ્વાસ્થ્ય મંત્રીનું કહેવું છે કે તેમને 27 જુલાઈના રોજ હોસ્પિટલમાં દાખલ કરવામાં આવ્યા હતા. ગઈકાલે જ તેમને પરીક્ષણ પરિણામો સબમિટ કરવામાં આવ્યા છે. તે અહીં તેના પરિવાર સાથે રહેતો હતો. તેના સેમ્પલની ફરી તપાસ કરવામાં આવશે. આ તપાસ ઈન્સ્ટીટ્યુટ ઓફ વાયરોલોજી, અલ્લાપ્પુઝા ખાતે કરવામાં આવશે. તેણે તેની સારવાર આટલી મોડી કેમ શરૂ કરી તે અંગે પણ તપાસ ચાલી રહી છે.તેમણે કહ્યું કે કેરળ સરકાર પુણેના નેશનલ ઈન્સ્ટિટ્યૂટ ઓફ વાયરોલોજીના અંતિમ રિપોર્ટની રાહ જોઈ રહી છે. તે પછી કંઈ પણ સ્પષ્ટ કહી શકાય.