વડાપ્રધાન નરેન્દ્ર મોદીએ જાપાનના હિરોશિમામાં G-7 સમિટ દરમિયાન યુક્રેનના રાષ્ટ્રપતિ વોલોદિમિર ઝેલેન્સકી સાથે મુલાકાત કરી હતી. ગયા વર્ષે રશિયા-યુક્રેન સંઘર્ષ શરૂ થયા બાદ બંને નેતાઓ વચ્ચે આ પહેલી મુલાકાત છે. પીએમ મોદીની સાથે સુરક્ષા સલાહકાર અજીત ડોભાલ અને અન્ય ભારતીય પ્રતિનિધિઓ પણ હતા. યુક્રેનના રાષ્ટ્રપતિ ઝેલેન્સકી સાથે એક પ્રતિનિધિમંડળ પણ હાજર હતું.
પીએમ મોદી અને ઝેલેન્સકી વચ્ચેની મુલાકાત ઘણી રીતે ખાસ છે. ભારત હંમેશા પશ્ચિમી દેશો અને યુક્રેનને સમજાવવાનો પ્રયાસ કરતું રહ્યું છે કે રશિયા સાથે ભારતના મૂળભૂત સંબંધો છે, પરંતુ વર્તમાન પરિસ્થિતિમાં યુદ્ધ પણ વ્યાજબી નથી. પીએમ મોદી અને ઝેલેન્સ્કી સાથેની મુલાકાતમાં પણ કદાચ પીએમ મોદીએ ફરી એકવાર ભારતનું એ જ વલણ પુનરાવર્તિત કર્યું હશે. આ પહેલા ડિસેમ્બર 2022માં જ્યારે પીએમ મોદી અને યુક્રેનના રાષ્ટ્રપતિ ઝેલેન્સકી વચ્ચે ટેલિફોનિક વાતચીત થઈ હતી, ત્યારે ભારતે એક જ વાત કહી હતી કે યુદ્ધ કોઈ પણ વસ્તુનો ઉકેલ હોઈ શકે નહીં. બંને પક્ષે શાંતિપૂર્ણ રીતે વાટાઘાટો કરવાનો એકમાત્ર વિકલ્પ છે. આ પહેલા ઓક્ટોબર 2022માં પણ પીએમ મોદી અને ઝેલેન્સકી વચ્ચે વાતચીત થઈ હતી.
ભારત ક્યારેય યુદ્ધના પક્ષમાં રહ્યું નથી
પીએમ મોદીની હિરોશિમામાં પશ્ચિમી દેશો સાથેની મુલાકાત અને ખાસ કરીને યુક્રેનના રાષ્ટ્રપતિ ઝેલેન્સકી સાથેની મુલાકાત ફરી એકવાર પુષ્ટિ કરે છે કે ભારત કોઈપણ રીતે યુદ્ધના પક્ષમાં નથી. જો કે પશ્ચિમી દેશો હંમેશા ભારત પર દબાણ કરતા રહ્યા છે કે રશિયા જે રીતે યુદ્ધ લાદી રહ્યું છે, ભારતે પણ રશિયાની ટીકા કરવી જોઈએ.
ભારત એ સમજાવવામાં સફળ થયું કે રશિયા એક મહત્વપૂર્ણ મિત્ર છે, પરંતુ યુદ્ધ વાજબી નથી
યુએનમાં પણ ભારત રશિયા વિરુદ્ધ લાવવામાં આવેલા બિલમાં તટસ્થ રહ્યું હતું. આ રીતે ભારતની યુદ્ધ અંગેની વિદેશ નીતિ અમેરિકા, યુક્રેન સહિતના પશ્ચિમી દેશોને સમજાવવામાં સફળ રહી છે કે ભારત જ્યાં રશિયા સાથેની પરંપરાગત મિત્રતાને મહત્વ આપે છે, ત્યાં તે પશ્ચિમી દેશોને પણ સમર્થન આપે છે કે રશિયા યુક્રેન સાથે યુદ્ધ બંધ કરે અને વાટાઘાટો દ્વારા સમસ્યાનો ઉકેલ લાવે.
આ પણ વાંચો:ખુરશી પર બેઠા હતા પીએમ મોદી, ચાલીને મળવા આવ્યા જો બિડેન:જુઓ VIDEO
આ પણ વાંચો:કાશ્મીરમાં જી-20ની બેઠક સામે ચીનનો વિરોધઃ ભારતનો પણ તેની સામે વળતો જવાબ
આ પણ વાંચો:PM મોદી હિરોશિમામાં ભારતીય લોકોને આ રીતે મળ્યા, જુઓ વીડિયો
આ પણ વાંચો:હુમલાના નવ મહિના બાદ જાહેરમાં દેખાયા સલમાન રશ્દી,કહી આ વાત..
