- દિલ્હીમાં PMની અધ્યક્ષતામાં સર્વપક્ષીય બેઠક
- કોરોના પર ચર્ચા માટે સર્વપક્ષીય બેઠક
- કોરોના સંક્રમણને લઈ વર્ચ્યુઅલી બેઠક
- કોરોનાની વર્તમાન સ્થિતિ મુદ્દે થશે ચર્ચા
- શિવસેના, YSRCP, AIMIMના નેતાઓ જોડાશે
કેન્દ્ર સરકારે આજે સંસદીય બેઠક બોલાવી છે, જેમાં કોરોના વાયરસના રોગચાળાથી સર્જાયેલી પરિસ્થિતિ અંગે ખાસ ચર્ચા કરવામાં આવશે. આ બેઠકમાં વડા પ્રધાન નરેન્દ્ર મોદી સંસદના બંને ગૃહોના જુદા જુદા પક્ષોના નેતાઓ સાથે વાત કરે તેવી સંભાવના છે. સત્તાવાર સૂત્રોએ સોમવારે આ માહિતી આપી હતી.તેમણે માહિતી આપી કે સંસદીય બાબતોનું મંત્રાલય બેઠક માટે સંકલન કરી રહ્યું છે અને તમામ પક્ષોને આમંત્રણ અપાયું છે. સૂત્રોએ જણાવ્યું છે કે સંસદના બંને ગૃહોમાં પક્ષકારોના નેતાઓને શુક્રવારે સવારે 10.30 કલાકે ઓનલાઇન બેઠક માટે આમંત્રણ અપાયું છે. વડા પ્રધાન મોદી આ બેઠકની અધ્યક્ષતા કરશે.
કોવિડ -19 રોગચાળો શરૂ થયો ત્યાર પછી બીજી વાર સરકારે કોરોના વાયરસથી સર્જાયેલી પરિસ્થિતિ અંગે ચર્ચા કરવા સર્વપક્ષીય બેઠક બોલાવી છે. વાયરસના ફેલાવાને રોકવા માટે રાષ્ટ્રવ્યાપી લોકડાઉન દરમિયાન 20 મી એપ્રિલે પહેલી બેઠક મળી હતી. સંરક્ષણ પ્રધાન રાજનાથ સિંહ, ગૃહ પ્રધાન અમિત શાહ, આરોગ્ય પ્રધાન હર્ષ વર્ધન, સંસદીય બાબતોના પ્રધાન પ્રહલાદ જોશી અને સરકારના ઉચ્ચ પ્રધાનો બેઠકમાં હાજર રહેવાની સંભાવના છે. સરકાર સંસદસભ્યોને રોગચાળા સાથે સંકળાયેલા વિવિધ પગલાઓ વિશે ટૂંકમાં જાણ કરે તેવી સંભાવના છે. રસીના વિકાસ અને ડિલિવરીના વિષય પર પણ ચર્ચા થઈ શકે છે.
આ નેતાઓ બેઠકમાં ભાગ લઈ શકે છે
આ બેઠકમાં પશ્ચિમ બંગાળના મુખ્યમંત્રી મમતા બેનર્જી, પાર્ટીના વડા અને પૂર્વ વડા પ્રધાન એચડી દેવે ગૌડા ભાગ લેશે. આ ઉપરાંત કોંગ્રેસના નેતા અધિર રંજન ચૌધરી અને ગુલામ નબી આઝાદ, વાયએસઆર કોંગ્રેસના મિધન રેડ્ડી અને વિજયસાઇ રેડ્ડી બેઠકમાં ભાગ લે તેવી સંભાવના છે. સંક્રમણની સ્થિતિ અને સ્થિતિની સમીક્ષા કરવા માટે મોદીએ રાજ્યોના મુખ્યમંત્રીઓ સાથે ઘણી બેઠકો કરી છે.
અગાઉ વડા પ્રધાને સોમવારે કોવિડ -19 રસીના વિકાસ અને ઉત્પાદન પર કાર્યરત ત્રણ ટીમો સાથે વિડિઓ કોન્ફરન્સ યોજી હતી. તેમજ પ્રધાનમંત્રીએ ગત શનિવારે કોવિડ -19 રસીના વિકાસ માટે થઈ રહેલા કામની સમીક્ષા કરવા માટે અમદાવાદ, હૈદરાબાદ અને પુણેની ફાર્માસ્યુટિકલ કંપનીઓના પરિસરની મુલાકાત લીધી હતી.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
