વડાપ્રધાન નરેન્દ્ર મોદી આજે સવારે 11:30 વાગ્યે વીડિયો કોન્ફરન્સિંગ દ્વારા કુદરતી ખેતી કોન્ક્લેવને સંબોધિત કરશે. આ દરમિયાન તેઓ ખેડૂતોને ખેતીની ટિપ્સ આપશે. આઝાદી કા અમૃત મહોત્સવના ભાગરૂપે આ કાર્યક્રમનું આયોજન કરવામાં આવ્યું છે. વડા પ્રધાને માર્ચ 2022 માં ગુજરાત પંચાયત મહાસંમેલનમાં તેમના સંબોધનમાં, દરેક ગામમાં ઓછામાં ઓછા 75 ખેડૂતોને કુદરતી કૃષિ પદ્ધતિઓ અપનાવવા પ્રોત્સાહિત કર્યા હતા. વડાપ્રધાનની સૂચનાથી ગુજરાતમાં કુદરતી ખેતી અપનાવવામાં ખેડૂતોને મદદ કરવાના અનેક પ્રયાસો કરવામાં આવ્યા હતા. સુરત જિલ્લામાં, ખેડૂત જૂથો, ચૂંટાયેલા પ્રતિનિધિઓ, એગ્રીકલ્ચર પ્રોડ્યુસ માર્કેટિંગ સોસાયટીઓ (APMC), સહકારી સંસ્થાઓ અને બેંકોએ કુદરતી ખેતીને પ્રોત્સાહન આપવા માટે નક્કર પ્રયાસો કર્યા હતા.
દરેક ગામમાં 75 ખેડૂતોની ઓળખ કરવામાં આવી હતી
દરેક ગ્રામ પંચાયતમાં ઓછામાં ઓછા 75 ખેડૂતોની ઓળખ કરવામાં આવી હતી અને તેઓને કુદરતી કૃષિ કરવા માટે પ્રેરિત કરવામાં આવ્યા હતા. આ માટે ખેડૂતોને જરૂરી તાલીમ આપવામાં આવી હતી. ખેડૂતોને વિવિધ 90 જૂથોમાં તાલીમ આપવામાં આવી હતી. સુરતના 41,000 થી વધુ ખેડૂતોએ કુદરતી ખેતીની તાલીમ લીધી હતી. ગુજરાતના સુરતમાં કોન્કલેવનું આયોજન કરવામાં આવ્યું છે. જેમાં હજારો ખેડૂતો ભાગ લઈ રહ્યા છે. આ ખેડૂતોએ સફળતાપૂર્વક કુદરતી ખેતી અપનાવી છે. આ કોન્ફરન્સમાં ગુજરાતના રાજ્યપાલ અને મુખ્યમંત્રી પણ હાજરી આપશે.
Srilanka/ રાષ્ટ્રપતિ ગોટાબાયા રાજપક્ષે 13 જુલાઈએ રાજીનામું આપશે, સ્પીકર લેશે ચાર્જ, 30 દિવસમાં ચૂંટણી થશે
