મોહાલીના પંજાબ ક્રિકેટ એસોસિએશન આઈએસ બિન્દ્રા સ્ટેડિયમમાં રમાયેલી ત્રણ મેચની T20 શ્રેણીની પ્રથમ મેચમાં ઓસ્ટ્રેલિયાએ ભારતને 4 વિકેટે હરાવ્યું હતું. મોહાલીની આ રોમાંચક મેચમાં ઓસ્ટ્રેલિયાએ શાનદાર બેટિંગ કરતા 209 રનનો મોટો લક્ષ્યાંક 6 વિકેટ ગુમાવીને હાંસલ કર્યો હતો. ઓસ્ટ્રેલિયા માટે કેમરૂમ ગ્રીને 30 બોલમાં 8 ચોગ્ગા અને 4 છગ્ગાની મદદથી 61 રનની તોફાની ઇનિંગ રમી હતી. તે જ સમયે, મેચના અંતે, મેથ્યુ વેડે 21 બોલમાં 6 ચોગ્ગા અને 2 ચોગ્ગાની મદદથી 45 રનની તોફાની ઇનિંગ રમી અને આ લક્ષ્યાંક હાંસલ કર્યો.
209 રનના મોટા લક્ષ્યને માત આપવા ઉતરેલી ઓસ્ટ્રેલિયાની ટીમની શરૂઆત સારી રહી ન હતી અને તેને પહેલો ફટકો કેપ્ટન એરોન ફિન્ચ (11)ના રૂપમાં લાગ્યો હતો. જયારે કેમેરોન ગ્રીન અને સ્ટીવ સ્મિથે ઓસ્ટ્રેલિયાની ઇનિંગ્સને સંભાળી અને ટીમના સ્કોરને 100થી આગળ લઈ ગયા. આ મેચમાં કેમરન ગ્રીને 30 બોલમાં 8 ચોગ્ગા અને 4 છગ્ગાની મદદથી 61 રનની શાનદાર ઇનિંગ રમી હતી. ગ્રીન ઉપરાંત વિકેટ કીપર બેટ્સમેન મેથ્યુ વેડે 21 બોલમાં 6 ચોગ્ગા અને 2 ચોગ્ગાની મદદથી 45 રનની તોફાની ઇનિંગ રમી હતી. આ બંને બેટ્સમેનોના શાનદાર પ્રદર્શનના કારણે ઓસ્ટ્રેલિયાએ આ લક્ષ્યાંક 6 વિકેટ ગુમાવીને હાંસલ કરી લીધો હતો.
મોહાલીના પંજાબ ક્રિકેટ એસોસિએશન આઈએસ બિન્દ્રા સ્ટેડિયમમાં રમાયેલી પ્રથમ ટી-20માં ટીમ ઈન્ડિયાએ પહેલા રમતા ઓસ્ટ્રેલિયાને 209 રનનો ટાર્ગેટ આપ્યો હતો. ભારત તરફથી કેએલ રાહુલે 55 રન બનાવ્યા હતા. આ સાથે જ હાર્દિક પંડ્યાએ 30 બોલમાં અણનમ 71 રનની વિસ્ફોટક ઇનિંગ રમી હતી. હાર્દિકે છેલ્લા ત્રણ બોલમાં સતત ત્રણ સિક્સર ફટકારી હતી. જોકે, હાર્દિકની આ ઇનિંગ ભારતીય ટીમને જીતાડી શકી ન હતી અને ઓસ્ટ્રેલિયાએ 4 વિકેટે મેચ જીતી લીધી હતી.
