એક તસ્વીર જ અનેક બાબતોને કહ્યા વગર રજૂ કરે છે, એવી જ એક તસ્વીર રાજસ્થાનના કરૌલી હિંસા વચ્ચે સામે આવી છે. આ હિંસામાં ચોમરે આગની જવાળા હતી અને એક પોલીસ કોન્સ્ટેબલે પોતાના જીવના જોખમે એક બાળકીને પોતાના ખભા પર લઇને બચાવી લીધી હતી,આ ઉપરાંત અન્ય બે લોકોને પણ બચાવ્યા હતા. આ તસવીર હાલ સોશિયલ મીડિયા પર ખુબ વાયરલ થઇ રહી છે.
વાસ્તવમાં રાજસ્થાનના કરૌલીમાં નવ સંવત્સર નિમિત્તે રેલી દરમિયાન હિંસા ફેલાઈ હતી. આ સમયગાળા દરમિયાન હુમલા અને આગચંપીના બનાવો પણ બન્યા હતા. સોશિયલ મીડિયા પર દરેક વ્યક્તિ હિંસા વચ્ચે હિંમત બતાવનાર પોલીસકર્મીના વખાણ કરી રહ્યા છે.આ પોલીસકર્મીએ આગની ઘટના વખતે એક નિર્દોષ બાળક સહિત 3 લોકોના જીવ બચાવ્યા હતા. રાજસ્થાનના મુખ્યમંત્રી અશોક ગેહલોતે પણ ફોન કરીને કોન્સ્ટેબલના વખાણ કર્યા છે. આ સાથે પ્રમોશનની ભેટ પણ આપવામાં આવી હતી.
રાજસ્થાનના કરૌલીમાં હિંસા ફેલાઈ હતી. અસામાજિક તત્વો દ્વારા દુકાનો સળગાવી દેવામાં આવી હતી. બધે આગની જ્વાળાઓ દેખાતી હતી. હિંસા અને આગ વચ્ચે ફાટી નીકળેલી કોટ વિસ્તારમાં આવેલી દુકાનમાં એક નિર્દોષ અને બે મહિલાઓ પણ ફસાઈ ગઈ હતી. આ બંને મહિલાઓ અને તેમના ખોળામાં બેઠેલી માસૂમ આગની ધગધગતી જ્વાળાઓ વચ્ચે ખૂબ જ ભયભીત દેખાઈ રહી હતી.
કરૌલી શહેર ચોકી પર તૈનાત કોન્સ્ટેબલ નેત્રેશ દ્વારા તેઓની નજર પડી. કોન્સ્ટેબલે પોતાના જીવની પરવા કર્યા વિના ત્રણેયને બચાવવાનું નક્કી કર્યું. નેત્રેશે મહિલાઓ સાથે હાજર દુપટ્ટાથી માસૂમને ઢાંકી દીધી અને તેને ખોળામાં લઈ આગની જ્વાળાઓ વચ્ચે ઝડપથી દોડીને બહાર આવ્યો.
સળગતી દુકાનો વચ્ચે કોન્સ્ટેબલ નેત્રેશે પોતાના જીવની પરવા કર્યા વગર માસૂમ અને મહિલાઓને સુરક્ષિત બહાર કાઢ્યા હતા. આ તસવીર જોઈને એવું લાગે છે કે જાણે કોઈ ફિલ્મી સીન હોય, જ્યાં હીરો કોઈને બચાવતો બતાવવામાં આવ્યો છે. પરંતુ કોન્સ્ટેબલ નેત્રેશે રીલ લાઈફ સિવાય જે કર્યું તે વાસ્તવિક જીવનની જીવંત તસવીર છે. આ જ કારણ છે કે આ ફોટો જોયા પછી દરેક લોકો અભિનંદન આપી રહ્યા છે.
કોન્સ્ટેબલ નેત્રેશની હિંમતના દરેક જગ્યાએ વખાણ થઈ રહ્યા છે. નેત્રેશની બહાદુરી જોઈને મુખ્યમંત્રી અશોક ગેહલોતે પણ તેમને ફોન કરીને અભિનંદન પાઠવ્યા હતા. નેત્રેશને કોન્સ્ટેબલમાંથી હેડ કોન્સ્ટેબલમાં પ્રમોશનની જાહેરાત કરી. નેત્રેશને 2013માં કોન્સ્ટેબલ તરીકે નિયુક્ત કરવામાં આવ્યા હતા. હાલમાં તે કરૌલી શહેર ચોકી પર તૈનાત છે.
