ફિલ્મ ધ કાશ્મીર ફાઇલ્સ ને લઈને સીએમ અરવિંદ કેજરીવાલનું ‘ખોટી તસવીર’ વાળું નિવેદન આમ આદમી પાર્ટી માટે સતત મુશ્કેલી ઉભી કરી રહ્યું છે. ભાજપ આ મુદ્દે મુખ્યમંત્રી અરવિંદ કેજરીવાલ સહિત સમગ્ર પક્ષનો વિરોધ કરી રહ્યું છે. દરમિયાન, બુધવારે મધ્યરાત્રિએ અને ગુરુવારે વહેલી સવારે દિલ્હીમાં આમ આદમી પાર્ટીના કાર્યાલયની બહાર ‘ધ કાશ્મીર ફાઇલ્સ’ના પોસ્ટરો લગાવવામાં આવ્યા હતા.
બગ્ગાએ લગાવ્યા પોસ્ટર
બીજેવાયએમના રાષ્ટ્રીય સચિવ તજિન્દર પાલ બગ્ગાએ તેના વિશે એક ટ્વીટ કર્યું, જેમાં લખ્યું હતું, ‘સાંભળો કેજરીવાલ, તમે જે ફિલ્મને ખોટી કહો છો, તે અમારો પીડાદાયક ઇતિહાસ છે.’ અગાઉ ગુરુવારે, ભારતીય જનતા યુવા મોરચા (BJYM) ના પ્રમુખ તેજસ્વી સૂર્યાની આગેવાની હેઠળના કાર્યકરોએ અહીં કેજરીવાલના નિવાસસ્થાને પ્રદર્શન કર્યું હતું અને કથિત રીતે કાશ્મીરી પંડિતોની “મજાક” કરવા બદલ તેમની પાસેથી માફીની માંગણી કરી હતી.
સિસોદિયાએ કર્યો હતો આક્ષેપ
વાસ્તવમાં, બુધવારે, BJYM કાર્યકર્તાઓએ રાજધાની દિલ્હીમાં વિરોધ પ્રદર્શન દરમિયાન મુખ્યમંત્રી અરવિંદ કેજરીવાલના નિવાસસ્થાન પર સ્થાપિત સીસીટીવી કેમેરા અને સુરક્ષા બેરિકેડ પર હુમલો કર્યો અને નુકસાન પહોંચાડ્યું. દિલ્હીના નાયબ મુખ્યમંત્રી મનીષ સિસોદિયાએ બુધવારે આરોપ લગાવ્યો હતો કે ભારતીય જનતા પાર્ટી (BJP) પંજાબ વિધાનસભા ચૂંટણીમાં હાર બાદ દિલ્હીના મુખ્યમંત્રી અરવિંદ કેજરીવાલની “હત્યા” કરવા માંગે છે.
આપને જણાવી દઈએ કે ફિલ્મ ધ કાશ્મીર ફાઇલ્સ ને લઈને બીજેપી અને AAP વચ્ચે શાબ્દિક યુદ્ધ ચાલી રહ્યું છે, તાજેતરમાં જ કેજરીવાલે આ મુદ્દે દિલ્હી વિધાનસભામાં પાર્ટી અને વડાપ્રધાન નરેન્દ્ર મોદી પર નિશાન સાધ્યું હતું. ભાજપના નેતાઓ અને કાર્યકરો કેજરીવાલ પર હુમલો કરી રહ્યાં છે અને તેમના પર કાશ્મીરી પંડિતોની પીડાની “મજાક” કરવાનો અને કાશ્મીરમાં તેમની “નરસંહાર” પર આધારિત ફિલ્મ વિશે જૂઠું બોલવાનો આરોપ લગાવી રહ્યા છે.
આ પણ વાંચો :વડોદરામાં કેમેસ્ટ્રીના પેપર પહેલા જ વિદ્યાર્થિનીએ ગળેફાંસો ખાઈ ટૂંકાવ્યું જીવન
આ પણ વાંચો :ધાનેરામાં બે વર્ષ સુધી બસ સેવા ઠપ્પ, વિદ્યાર્થીઓએ અભદ્ર સ્થિતિમાં રોકી બસ
આ પણ વાંચો : નરેશ પટેલ ગુજરાત કોંગ્રેસ માટે છે મુખ્યમંત્રીનો ચહેરો, અશોક ગેહલોતે ખેલ પાડ્યો
આ પણ વાંચો :તાપી-પાર-નર્મદા રિવર લિંક પ્રોજેક્ટ ચૂંટણીને લીધે સ્થગિત કર્યો છે : શકિતસિંહ ગોહિલ
