પાકિસ્તાનમાં રાજકીય ઉથલપાથલ ચાલી રહી છે અને માનવામાં આવી રહ્યું છે કે ઈમરાન ખાન સરકાર પડી શકે છે. દેશમાં ચાલી રહેલા રાજકીય સંકટ વચ્ચે પાકિસ્તાનના પીએમ ઈમરાન ખાન આજે દેશને સંબોધિત કરી શકે છે. વિપક્ષ તેમની સરકાર વિરુદ્ધ અવિશ્વાસ પ્રસ્તાવ લાવ્યા છે, જેના પર 3 એપ્રિલે મતદાન થશે. પાકિસ્તાનના ગૃહમંત્રી શેખ રશીદે કહ્યું કે ઈમરજન્સી મીટિંગ બોલાવવામાં આવી છે, જેના પછી પાક પીએમ દેશને સંબોધિત કરશે.
પાકિસ્તાનની ઈમરાન સરકાર છોડવા જઈ રહેલા MQMના સભ્ય અને કાયદા મંત્રી ફારુગ નસીમ અને આઈટી મંત્રી અમીન ઉલ હકે પણ રાજીનામાની જાહેરાત કરી છે. સાંજે MQM નેતા ખાલિદ મકબૂલ સિદ્દીકી સાથે વિપક્ષની સંયુક્ત પ્રેસ કોન્ફરન્સ પણ થવાની છે.
જો કે પાકિસ્તાનના સૂચના અને પ્રસારણ મંત્રી ચૌધરી ફવાદ હુસૈને કહ્યું છે કે ઈમરાન ખાન રાજીનામું નહીં આપે. તેણે કહ્યું કે ઈમરાન ખાન છેલ્લા બોલ સુધી રમવાના ખેલાડી છે. રાજીનામું નહીં આપે.
પીએમ ઈમરાન ખાનને વધુ આંચકો લાગ્યો છે. તેમણે MQMના ખાલિદ મકબૂલ સિદ્દીકી અને BAPના ખાલિદ મગાસીને પત્ર બતાવવા આમંત્રણ આપ્યું હતું પરંતુ તેઓએ આમંત્રણ નકારી કાઢ્યું હતું. MQM અને BAP હવે PM ઈમરાન ખાન વિરુદ્ધ અને વિપક્ષ સાથે છે.
આ પણ વાંચો:પેટ્રોલ- ડીઝલની વધતી કિંમતો વચ્ચે રાહુલ ગાંધીએ PM મોદી પર નિશાન સાધ્યું, ટ્વિટ કરીને કહી આ મોટી વાત
આ પણ વાંચો:કેજરીવાલના નિવાસસ્થાને હુમલો, AAPએ કહ્યું, BJP કાર્યકરોએ કરી તોડફોડ
