GST ઇન્ટેલિજન્સ ડાયરેક્ટોરેટ જનરલે દેશની સૌથી મોટી કેસિનો ચેન ડેલ્ટા કોર્પને 11,139 કરોડ રૂપિયાનું કથિત દેવુ ચૂકવવા જણાવ્યું છે. જોકે, કંપનીએ કહ્યું છે કે તે તેને કોર્ટમાં પડકારશે. ડાયરેક્ટોરેટ જનરલની હૈદરાબાદ સ્થિત ઓફિસે શુક્રવારે ડેલ્ટા કોર્પને CGST એક્ટ, 2017 અને ગોવા SGST એક્ટ, 2017ની કલમ 74(5) હેઠળ બાકી ટેક્સ અને દંડ ચૂકવવાનો આદેશ આપ્યો હતો. આરોપ છે કે કંપનીએ જુલાઈ 2017થી માર્ચ 2022ના સમયગાળા માટે GSTની ટૂંકી ચુકવણી કરી છે. વ્યાજ અને દંડ સાથે 11,139 કરોડની કથિત કર દેવુ ચૂકવવાની સલાહ આપવામાં આવી છે, જે નિષ્ફળ જશે તો કંપનીને કલમ 74(1) હેઠળ કારણ બતાવો નોટિસ જારી કરવામાં આવશે.
ડેલ્ટા કોર્પે કહ્યું કે,DG નોટિસમાં દાવો કરાયેલી રકમ, અન્ય બાબતોની સાથે સંબંધિત સમયગાળા દરમિયાન કેસિનોમાં રમાયેલી તમામ રમતો પર મૂકવામાં આવેલા બેટ્સના કુલ મૂલ્ય પર આધારિત છે. GST ગેમિંગની કુલ આવકને બદલે કુલ હોડ મૂલ્ય પર વસૂલવામાં આવે. આ માંગ ઉદ્યોગનો મુદ્દો છે અને આ મુદ્દે ઉદ્યોગ સ્તરે સરકારને વિવિધ રજૂઆતો કરવામાં આવી છે.
તેમાં કહેવામાં આવ્યું છે કે, કંપનીને કાયદેસર રીતે સલાહ આપવામાં આવી છે કે DG નોટિસ અને ટેક્સ ડિમાન્ડ મનસ્વી અને કાયદાની વિરુદ્ધ છે અને કંપની આવી ટેક્સ ડિમાન્ડ અને સંબંધિત કાર્યવાહીને પડકારવા માટે ઉપલબ્ધ તમામ કાનૂની ઉપાયોને અનુસરશે.
આ પણ વાંચો: Quad/ આતંકવાદ સામે ચાર દેશો એક થયા, એક્શન પ્લાન પણ તૈયાર
આ પણ વાંચો: રાજકીય દ્વંદ/ કેનેડા-ભારત વચ્ચે ખાલિસ્તાની આતંકવાદીની હત્યાનો વિવાદ બે મહિનાથી ચાલતો હતો
આ પણ વાંચો: Unga/ UNમાં ભારતે પાકિસ્તાને આડે હાથ લીધું, કહ્યું- ‘આતંકી ફેક્ટરી બંધ કરો’
