કેનેડાના પીએમ જસ્ટિન ટ્રુડો સરકાર હેઠળ ખાલિસ્તાનીઓ સમગ્ર કેનેડામાં કથિત જનમત સંગ્રહ કરવા જઈ રહ્યા છે. હરદીપ સિંહ નિજ્જરની હત્યા બાદ કેનેડા અને ભારત વચ્ચે તણાવ ચરમસીમાએ છે. ટ્રુડો સરકારે ખાલિસ્તાની આતંકીઓની મદદથી વળતો હુમલો કરવાની ગંદી યુક્તિનો આશરો લીધો છે. શીખ ફોર જસ્ટિસના આતંકી ગુરપતવંત સિંહ પન્નુએ જાહેરાત કરી છે કે ખાલિસ્તાન પર જનમતનો બીજો રાઉન્ડ યોજાશે અને તે રવિવારે એ જ ગુરુદ્વારાથી શરૂ થશે, જ્યાં 18 જૂને નિજ્જરની હત્યા કરવામાં આવી હતી. બ્રિટિશ કોલંબિયા રાજ્યના સરે સ્થિત આ ગુરુદ્વારામાં અજાણ્યા લોકોએ નિજ્જરને ગોળી મારી હતી.
ગુરપતવંત સિંહ પન્નુએ દાવો કર્યો હતો કે, આ જનમત સંગ્રહમાં હજારો લોકો ભાગ લેશે. પન્નુએ દાવો કર્યો કે પહેલા ઘણા શીખોએ ખાલિસ્તાની ચળવળને સમર્થન આપવાનું ટાળ્યું હતું પરંતુ હવે જસ્ટિન ટ્રુડોના નિવેદન બાદ તેઓ તેમની સાથે છે. ટ્રુડોએ આક્ષેપ કર્યો હતો કે નિજ્જરની હત્યામાં ભારત સરકારની સંડોવણીના ‘વિશ્વસનીય આરોપો’ છે. પન્નુ હાલ અમેરિકામાં છે અને રેફરન્ડમ માટે કેનેડા જઈ રહ્યા છે. પન્નુ અગાઉ કેનેડામાં કહેવાતા લોકમતનો પ્રથમ રાઉન્ડ યોજી ચૂક્યા છે.
ભારત FATFમાં જઈ શકે છે
કેનેડા સાથે વધતા તણાવ વચ્ચે ભારતે તેના 41 રાજદ્વારીઓને દેશ છોડવાની ફરજ પાડી હતી. આ કારણે કેનેડા સરકાર નારાજ છે અને ભારત વિરોધી ખાલિસ્તાની ચળવળ પર કોઈ રોક લગાવી રહી નથી. આ દરમિયાન ભારતે પણ વળતો પ્રહાર કરવાની સંપૂર્ણ તૈયારી કરી લીધી છે. કહેવામાં આવી રહ્યું છે કે હવે ભારત ખાલિસ્તાનીઓ વિરુદ્ધ કાર્યવાહી માટે FATFનો દરવાજો ખટખટાવી શકે છે. ભારત મની લોન્ડરિંગ અને આતંકવાદી ધિરાણ પર કેનેડા સામે કાયદાકીય અને નિયમનકારી પગલાં લેવાનો પ્રયાસ કરી રહ્યું છે.
ભારતે કેનેડાને ભરોસાપાત્ર અને અકાટ્ય પુરાવા આપ્યા છે પરંતુ તેની ધરતી પર આતંકી ધિરાણ રોકવા માટે કોઈ પગલાં લીધા નથી. FATF અત્યાર સુધી કેનેડા અને અન્ય ઘણા દેશો પર આતંકવાદી ધિરાણ રોકવા માટે તેના પ્રભાવનો ઉપયોગ કરે છે. FATFની રચના વર્ષ 1989માં કરવામાં આવી હતી અને તે સુનિશ્ચિત કરે છે કે વૈશ્વિક નાણાકીય વ્યવસ્થામાં આવતા નાણાંનો ઉપયોગ આતંકવાદી પ્રવૃત્તિઓ માટે ન થાય. FATFના વળતા હુમલાથી પાકિસ્તાનને અબજો ડોલરનું નુકસાન થયું છે. હવે ભારત આ હથિયારનો ઉપયોગ કેનેડા સામે કરવા માગે છે.
આ પણ વાંચો: Canada Visa/ કેનેડા જવા માગતા લોકો માટે સારા સમાચાર,’ 7-10 દિવસમાં મળશે વિઝા’
આ પણ વાંચો: Icecream/ ભારતમાં આઇસક્રીમ માર્કેટમાં છે જબરજસ્ત વિકાસની સંભાવના
આ પણ વાંચો: America/ સીરિયામાં અમેરિકાની એર સ્ટ્રાઈક, ઈરાન સમર્થિત સંગઠનોને બનાવ્યા નિશાન
